Lage rammer i Photoshop CS2

[Bozzeye]

Lurer på korleis ein lagar rammer. Ikkje sånn som er heilt ute i kanten av biletet, men som du kan f.eks. sette litt inn på biletet.

Og ein ting til, korleis gjer man at du lagrar det du held på med og kan starte når du vil med å åpne fila. F.eks. med eit animert bilete, at du lagrar det og startar att der du slutta sjølv om du stengjer PCen f.eks. Er det .PSD eller .PDD?

[Torbjørn T.]

Ikkje sånn som er heilt ute i kanten av biletet, men som du kan f.eks. sette litt inn på biletet.

Kan vere eg berre er treig i oppfattinga, men eg forstår ikkje kva du meiner her. Kan du forklare nærare, eventuelt vise nokre døme?

 

For det andre spørsmålet ditt: PSD.

[Bozzeye]

Du er kanskje ikkje treig i oppfatninga, det er nok berre eg som har forklart litt dårleg.

 

Det skal vere ei ramme (som vist på biletet) i biletet. Ikkje heilt i kanten, men at ramma er nokre cm innafor kanten på biletet.

[Torbjørn T.]

OK. Det du kan gjere er å fyrst bruke rectangular marquee og merke ein firkant der du vil ramma skal vere, og etterpå velge Edit --> Stroke. Pass på å bruke Inside, for med dei to andre vil hjørna verte avrunda.

 

Har du vanskar med å få markeringa (og dermed ramma) på rett stad med ein gong, kan du flytte den i ettertid. Flytt musa innanfor markeringa, so det kjem ein firkant av stipla linjer ved musepeikaren. Eller du kan gjere markeringa på ein litt annan måte.

 

Anten, merk alt (Ctrl + A), og gå til Select --> Transform selection (kan vere den ligg på Edit-menyen, eg hugser ikkje nøyaktig). Hald inne Shift og Alt, og dra inn hjørna på markeringa.

 

Eller, merk alt og gå so til Select --> Modify --> Contract. Dette vil gjere markeringa mindre, med so mange pikslar du skriv inn.

 

Redigert: Ville berre leggje til ein liten ting, men det er unødvendig å lage ein ny post for det. Grunnen til at ein skal halde inne shift og alt etter å tatt select --> transform selection, er følgjande: Shift gjer at proporsjonane mellom høgd og breidd held seg konstant. Det gjer at markeringa (og dermed ramma) får akkurat same høve mellom høgd og breidd som biletet. Alt gjer at nedskaleringa av markeringa vert gjort med utgangspunkt i sentrum av biletet. Hadde ein ikkje gjort dette, måtte ein fyrst dratt inn det eine hjørnet, og so prøvd å dra inn det andre like mykje.

Endret 15. mai 2007 av Torbjørn T.

[SkummelType]

Tenkte bare jeg skulle takke siste poster for en kjempebra måte å fikse ramme på, takk så mange