Hjelp til filmredigering

[Quattro7]

Hei.

Jeg har noen spørsmål til Adobe Premiere Pro og Adobe After Effects.

 

1. Hvordan lager jeg en logo eller en tekst, som går i hele filmen, slik som på TV2 har tv2 logoen i hjørnet.

2. Hvordan setter jeg inn en klokke, på et klipp? TV2 har dette på sine nyhetssendinger, der det er en hvit boks med tv2 logoen og en klokke.

3. Hvordan klipper jeg og lager overganger og sånn som det er i Windows Movie Maker?

[Torbjørn T.]

Premiere Pro:

1. For å lage ein tekst, trykk F9 (eller gå til File --> New --> Title). Skriv inn teksten i vindauget, og formater den slik du vil ha den. Lukk vindauget, og velg å lagre title. Den vil då dukke opp i Project-vindauget (oppe til venstre, der alle videoklippa, musikken, bileta osb. er lista opp). Dra den ned på tidslinja, heilt i byrjinga, i eit videospor som ligg over alle videoklipp du har. Til dømes, har du kun klipp i Video 1 og Video 2, må teksten ligge i Video 3 eller høgare.

 

Flytt so musepeikaren til høgre kant av tekstklippet, slik at musepeikaren endrar form. Klikk, og dra mot høgre medan du held inne museknappen. Dra so langt bort som filmen din varer.

 

For ein logo er det same opplegget eigentleg, men om den er for stor, må du etter å ha dratt den ned på tidslinja gå inn i Effect Controls og Motion, for å justere Position og Scale.

 

2. Det finst sikkert ein plug-in som gjer dette, men eg veit ikkje om nokon. Den tungvinte måten er å lage titlar (tekst), ein for kvart minutt, og setje desse inn på tidslinja etterkvarandre. Kan vere det er ein effekt for dette i AE, men det skal eg ikkje seie sikkert. Du får leite gjennom Effects-menyen og sjå om du finn noko.

 

3. Skal prøve å kort forklare nokre teknikkar for klipping:

For å flytte klipp rundt er det berre å dra dei med musa, men om du legg eit klipp oppå eit anna vil det ikkje skyve det klippet til side, slik som i WMM, berre overskrive. For å flytte eit klipp mellom to andre klipp, hald inne Ctrl medan du slepp klippet. Ulempa er at dette vil flytte klippa i alle spora, video og lyd, til høgre, med mindre sporet er låst. Du kan låse spor i området til venstre, ved å klikke på ein hengelås (om eg hugser rett).

 

For å trimme enden av eit klipp, hald musa over enden av klippet, slik at musepeikaren endrer form, og klikk-og-dra i den retningen du vil trimme.

 

For å leggje til overgangar, finn den overgangen du vil ha frå Video transitions (eller Audio transitions, om det er ein lydovergang du skal ha), og dra den ned til mellom klippa. Du vil sjå når den kjem på plass, ved at musepeikaren endrer seg. Den same måten legg ein forresten til effektar, ved å dra dei frå Video/Audio Effects og ned på det aktuelle klippet.

 

Det som forvirrer ein del når dei skal leggje til overgangar, er at det ikkje er alltid det er mogeleg, eller alltid overgangen vert sentrert over kuttpunktet. Grunnen til det er det er ikkje nok video å lage overgangen av. Eg har forklart det litt betre i dette innlegget.

 

Om det er noko meir du lurer på er det berre å spørre, so skal eg prøve å svare so godt som mogeleg.

 

After Effects:

1. Tekst er litt annleis i AE. Det er eit eige tekstverktøy i verktøyboksen. Velg det, trykk i monitoren, og skriv. For å redigere teksten (skrifttype, storleik, teiknavstand etc., sjå i Character- og Paragraph-palettane – desse plar vere to faner i det same vetle vindauget. Om du ikkje ser det, gå til Window --> Character.

 

Når du lager eit nytt tekstlag slik, vil det automatisk verte like langt som komposisjonen din. Det same prinsippet gjeld her, at det som ligg øvst er det ein ser, so tekstlaget må ligge over videolaga.

 

Du vil og finne Path text blant effektane ein stad, men det treng du strengt tatt ikkje bry deg med med det same. Den vil ein bruke slik: Lag ein ny solid, og teikn ein path med penne-verktøyet (pen tool). Du finn det i verktøyboksen, og hurtigtasten er G om eg hugser rett. Vel Path text blant effectane, og du kan skrive ein tekst som følgjer pathen du har laga.

 

Til sist vil eg tipse deg om nokre sider som kan vere nyttige. For PPro:

Dei følgjande tre har alle videotutorials som du sikkert kan lære mykje av.

WrigleyVideo (engelsk)

Davk (dansk)

Programvareskulen (norsk)

Premiere Pro WIKI – her finn du mogelege løysingar på mange feilmeldingar, og svar på mange vanlege spørsmål.

 

For AE:

http://www.xtreme-is-back.com/ – Ei rekkje videotutorials som er veldig fine for å få ein introduksjon til programmet. Anbefaler deg å sjå gjennom desse.

 

Redigert: La til eit avsnitt om AE, nokre lenkjer, og ei overskrift heilt øvst.

Endret 7. desember 2006 av incanus

[Quattro7]

Premiere Pro:For ein logo er det same opplegget eigentleg, men om den er for stor, må du etter å ha dratt den ned på tidslinja gå inn i Effect Controls og Motion, for å justere Position og Scale.

Jeg får ikke logoen inn der, kan du forklare litt nøyere hvordan du gjør det?

 

Hvordan kan jeg legge til en effekt på små deler av bildet, for eksempel å forstørre pixlene bare på hode til en person, ikke på hele bildet. og hvordan legger jeg en effekt, som på tv, hvis de sensurerer noen, beveger sensuren seg ettersom personen som skal sensureres flytter seg.

Og hvordan deler jeg opp et klipp? I movie maker trykker man på del, så blir klippet delt i 2 der du har streken.

Utenom det, tusen takk, du har virkelig peiling på dette.

Endret 8. desember 2006 av Quattro7

[Torbjørn T.]

Ah beklager, var litt unøyaktig der. Eg tenkte at ein importerer biletet (File --> Import), so dreg det ned på tidslinja. Lurer på om det er eit val for å setje ein logo inn i tekstgeneratoren, men det har eg aldri prøvd, so nøyaktig kor ein finn den kan eg ikkje seie. Kanskje i verktøylinja øvst i tekstgeneratoren, eller blant verktøya på venstresida.

 

Overgangane vil ligge under fanen Effects, der det er fire eller fem mapper: Video Effects, Audio Effects, Video Transitions, Audio Transitions og kanskje User presets¹ eller noko slikt. Det kan vere den ligg i Project-vindauget, eller i Monitorvindauget, som ein fane i ein av dei. Finn du den ingen stad kan det vere den er lukka. Gå i so fall til Window --> Effects.

 

For sensur, sjå denne. Det å isolere ein del av eit bilete for å leggje til effektar kun på den, er strengt enklare i After Effects, men enkle tilfelle som akkurat det der, går fint i PPro.

 

Måten ein ville gjort det på i AE, er å fyrst kopiere layeret, slik at ein har to utgåver av den same videoen, rett over kvarandre, so maskert ut ein del av det øvste layeret med Pen Tool, og so lagt til den effekten ein vil.

 

 

¹) Ein kan lagre malar for effektar, noko som kan vere praktisk om det er ein effekt du bruker ofte, med nøyaktig dei same innstillingane. Du vil finne ein knapp ved effekten i Effect Controls for dette.

[Quattro7]

Og hvordan deler jeg opp et klipp? I movie maker trykker man på del, så blir klippet delt i 2 der du har streken.

[Torbjørn T.]

Eg visste det var noko eg gløymde å nemne i det fyrste innlegget mitt...

 

Du har to mogelegheiter:

1. Trykk C for å aktivere «razor tool». Du finn dette i verktøyboksen som eit barberblad. Klikk der du vil dele klippet.

 

2. Trykk Ctrl + K. Dette vil dele der tidsmarkøren er, men ulempa er at det deler alle klipp i alle spor, lyd og video, med mindre sporet er låst.

[Quattro7]

Ikke meningen å mase, men jeg lurer på mer skjønner du.

Tekstanimasjoner... Rulletekst på slutten av filmen for eksempel, ton inn, gli ut..

Sånne som i Movie Maker.

Endret 8. desember 2006 av Quattro7

[Torbjørn T.]

Vanleg rulletekst, som kjem inn nedanfrå og går oppover? I tekstgeneratoren kan du ein stad på verkøytlinja oppe velge mellom Normal (eller kanskje Still, eg hugser ikkje heilt), Roll og Crawl. Velg Crawl, og trykk so på knappen i nærleiken som heiter Roll/Crawl options eller noko slikt. I vindauget som kjem opp haker du av for start off screen, og end off screen.

 

Eit godt tips, spesielt om du skal ha lange rulletekstar:

Skriv den i notisblokk fyrst, og kopier/lim inn til PPro. Det er so vidt eg hugser litt stress å skrive inn mykje tekst i tekstgeneratoren der. Skrifttype, storleik, midtjustering og anna tekstformatering fikser du etter å ha limt inn.

 

Vil du ha tekst som glir horisontalt over skjermen, vel Crawl i staden for Roll. For meir avanserte rørsler, lagre teksten som normal, dra den ned på tidslinja og gå inn i Effect Controls for å justere posisjonen (og storleik og rotasjon, om du vil). Du bruker nøkkelrammer (keyframes) for å justere dette over tid. Aktiver nøkkelrammer ved å klikke på den vetle, kvite, stoppeklokka ved sida av den aktuelle eigenskapen. Du lager nye ved å klikke på den vetle knappen mellom dei to små pilene. Det fungerer slik at om du set forskjellige verdiar ved to nøkkelrammer, vil det verte ein gradvis overgang frå den fyrste verdien til den andre, mellom dei to nøkkelrammene.

 

Til dømes, du lager ei nøkkelramme for storleik ved byrjinga av teksten (eller videoen, eller kva det er) og set verdien til 50%. So lager du ei ny etter fem sekund, og set verdien ved den til 100%. I løpet av dei fem sekunda vil då storleiken gå gradvis frå 50% til 100%. Det same prinsippet gjeld uansett kva eigenskap og effekt det er snakk om. Eit lite tips: Høgreklikk på nøkkelrammene og vel Ease in/Ease out, alt etter kva nøkkelramme det er. Då vil det, i staden for å verte ein heilt lineær overgang med brå start og like brå slutt på rørsla, få ein mjuk start og stopp.