Programmerer/komponist av musikk søkes

[Alva_InnleggNO]

Drøymer du om å laga musikk som "når" noko i folk?

 

Vokalist leiter etter kreativ voksen musikar med sans for den gode melodien. Leiter etter ein lagplayer, som ikkje klarer å la væra å laga musikk. Som ser på uskrivne låtar, ...som ei gåte, ei urekna matteoppgåve som det er spennande å løysa? Eg har hittil skrive alle tekstar sjølv, komponerer litt på gitar, men treng nokon å jobba melodi saman med. Nokon som har same tonkar om musikk. Som er motivert for å laga ei plate som når noko i folk.

 

Du kan gjerne vera programmerer, spela piano eller gitar. Eg er open for forslag, så lenge ein får jobba med musikk som gir meining. Kor målet er å laga noko ekte. Musikk er for meg som ein kunstnar føler det: Når han malar eit bilete, "Det rette bilete", så er det som å føla seg litt nærmare himmelen. Ein veit at denne melodien er rett.

 

Ynskjer å laga musikk som har ope landskap, men som likevel byr på noko nytt ved fleire gjennomhøringar. Det skal ikkje vera for komplisert. Eg vil laga musikk for lyttaren, og med hovudvekt på å få fram følelsar, fargar, landskap, rytme og ord. Eg likar best å synga på nynorsk, då eg syns nynorsk fargar orda betre.

 

Du har gjerne vore ein del i studio å lært litt om kva som egner seg som ”livestoff” og kva som høyrer til på ei plate. Men du er ein uslipt stein når det kjem til kreativitet. Håpar me kan læra litt av kvarandre. Eg likar utfordringar og å læra nye ting.

 

Det hadde vore fint om du budde i nærleiken av Drammen.

Ta gjerne kontakt. Min musikk