Nynorsk-tråden! Laust og fast på/om nynorsk.

[Gjest Slettet-J0FoqSqMwq]

Eg skrivar og seier alltid "dåke" eg

 

Veit det er feil, men det er det som er naturleg for meg å sei.

[greiven]

Hei!

 

Eg halde på å skrive ein stil på nynorsk, og eg trur det går ganske greit eigenleg. Men kan nokon av dykk sjå over teksta mi, sånn at eg veit at det sjer greitt ut? Send meg PM om ønskeleg, så skal eg sende deg stilen!

 

Mange set si lit til tru, det gjer ikkje eg. Eg foreslår, heilt ærleg og alvorleg meint, at du går gjennom den med ordboka ord for ord. Bare sjå på innlegget ditt:

 

- Halde er infinitivsform, setningen er presens

- Du brukar de/dykk feil. De = subjekt, dykk = direkte objekt.

- Tekst er ikkje eit hokjønnsord Det er visst valfritt hankjønn/hokjønn

- Sjer er ikkje eit ord

 

Takk for tipset, skal nå gå igjennom hvert eneste av de 1363 ordene i stilen!

[Thor - God Of Thunder]

Har sterke ynskje om å få bli med på den lista

[Alliha]

Gjort.

Kjekt å sjå kor mange som skriv nynorsk.

[Thor - God Of Thunder]

Absolutt!

Skulle ynskje det var fleir som gjekk ut av skapet og skreiv på morsmålet sitt, i stadenfor å bli gå med straumen..

[SHHHKSHHHK]

Morsmålet mitt er vel eigentleg bodødialekt, men eg skriv nynorsk uansett.

[mosleth]

Nynorsk er beste norsk, bokmål er lågmål!

 

Snart mistar vi kanskje skilnaden på de/dykk, forresten. Språkrådet går inn for å gjera det valfritt, slik at dei som vil kan skriva "dykk slo dykk" utan at det er feil, istaden for tidlegare "de slo dykk".

 

Denne endringa har, såvidt eg har sett, møtt på motstand. Det kan eg verkeleg ikkje forstå. Eg veit eigentleg om svært få "moderate" nynorskbrukarar (i mangel på eit betre ord) som i det heile veit om at det skal vera "de slo dykk", og det er ikkje som om nynorsk har ein eldgammal praksis for å skilja mellom subjekt og objekt. Formene "deim" og "honom" er jo meir eller mindre døydde ut og ubrukte i moderne nynorsk, medan skilnaden på ho/henne er valfri og brukt i varierande grad.

 

Har nokon argument for å ikkje tillata "dykk" som subjekt?

[Alliha]

Eg har diverre ikkje noko særleg godt argument anna enn at det ser og høyres mykje betre ut med ein forskjell.

[Anarkhos]

Gjæv tråd. Er kann henda ei lenkja til nynorskordboki og grammatikktabellen i fyrsteinnlegget sømelegt? Det skulde i minsto auka skrivelysti til deim som kjenner seg uvisse på rettskrivingi.

Endret 18. februar 2011 av Anarkhos

[Need44speed]

Eg gløymde denne tråden

[Alliha]

...Må ærleg innrømma at eg sleit med å forstå det innlegget. :!:

Men ja, eg kan godt legge til linkane i førsteposten.

[korehoret]

Eg skriv nynorsk!

[Anarkhos]

...Må ærleg innrømma at eg sleit med å forstå det innlegget. :!:

Men ja, eg kan godt legge til linkane i førsteposten.

 

Det kann vera - eit skriftmål treng eksponering for at ein skal skyna det. Sidemålet vårt hev difor store føremoner (fordelar).

[Kokobananas]

Det kann vera - eit skriftmål treng eksponering for at ein skal skyna det. Sidemålet vårt hev difor store føremoner (fordelar).

 

Kvifor skriv du eigentleg "kann"?

Endret 19. februar 2011 av cricket

[Alliha]

Eg går ut i frå at det er pga. han skriv høgnorsk eller noko?

Men, ja, ser poenget ditt.

[Anarkhos]

Ja, det er høgnorskt. Upphavlegt skreiv ein kann på nynorsk, men grunna samnorsktanken brigde (endra) ein det til kan for at nynorsken og bokmålet skulde skilja seg frå kvarandre minst moglegt. Kunna - kann - kunde (ein skal vist tala ut denne d-en) - kunna, difor tvo n-ar. På ein måte er mao. det mest logiske å skriva anten kuna - kan - kunde - kuna eller slik som ein gjer det i høgnorsken.

 

Det er vel òg parallellt med til dømes falla - fell - fall - (hev) falle.

[Kokobananas]

Eg skjønar. Og eg ser ikkje heilt poenget med samnorsk. Men nei, eg har ikkje tenkt til å diskutere grunnane til det.

 

Eg kjøpte to bøker på nynorsk i dag. Mammutsal er fine greier!

[The Doctor]

Eg skal skrive nynorsk stil på mandag, lurar på korleis det går. Har hatt to prøvar i heile år og har fått 4 på ein og 5 på ein, det lønnar seg å ha hatt nynorsk som hovudmål i eit par år. Skjønnar ikkje korleis det er mogleg å få 1 i karakter på slike prøvar og alle desse som er for å avskaffe nynorsk, til fordel for bokmål.

[Mchansern]

Hallais.

 

Eg er ikkje norsk og har difor aldri hatt nynorsk på skulen. Kun bokmål.

 

Eg lær meg nynorsk av tekstinga til NRKs programmar.

 

/Out.

[mosleth]

Eg ser det er kome ein del svar på den opne høyringa til språkrådet, og som eg venta, er det ikkje så reint få som går sterkt imot "dykk" som tillaten subjektsform. "Dykk som subjektsform høyrer ingen stad heime" er visst konsensusen. Ein annan ordla seg litt meir poetisk: "Eg får hug til å seia at det er tragisk om dykk blir tillaten som subjektsform."

 

Men éin særleg påstand forvirrar meg:

 

Dette bryt med språkkjensla mi og mot all skriftleg tradisjon. Nemnda skal foreslå ei fastare norm. Å innføre ein ny valfri raritet er i strid med dette prinsippet. Ein kan av og til sjå "dykk" brukt som subjektsform, men då er det brukt av bokmålsfolk som er ustø i nynorsk og grip til ord som ser mest mogleg nynorske ut.

Eg voks jo opp i Oslo og var sjølv blant dette "ustø bokmålsfolket" heilt opp til tridje året på vidaregåande (og meiner for øvrig at det ustøe bokmålsfolket fullt ut skal takast omsyn til), og eg fann faktisk ikkje ut om at det heiter "de" før eit par månader inn i nynorsklivet mitt, lenge etter at a-verba, e-verba og samsvarbøyinga var godt innarbeidde. Dette frå ein person som gjorde eit heilhjarta forsøk på å leggja om! Det har seg jo nemleg slik at nesten ingen har denne skilnaden i talemålet sitt (dette er jo alle samde i), og ein skriv sjeldant til ei gruppe menneske i skulestilane sine - faktisk tok ikkje lærarinna mi seg bryet med å læra burt denne forma i dei få sidemålstimane vi hadde, ettersom ho rekna med at ingen av oppgåvene ville innebere potensiell bruk av de/dykk. Det er altså tilnærma umogleg for dei fleste i bokmålsområda å veta om skilnaden, med mindre dei verkeleg les flittig i grammatikkdelen til ordboka. Og isåfall ville jo i-målet vori like velkjent for dei òg.

 

Uansett: Eg har ikkje tru på påstanden om at "dykk" som subjekt er godt innarbeidd hjå nynorskbrukarane heller, og det er her eg vil veta om eg tek feil. Kjærasten min (som jo talar ei bokmålsnær dialekt, men likevel er oppvaksen i fleire forskjellige nynorskområde), fortalde meg nemleg at ho og alle ho kjende på skule med, i alle sine år aldri skreiv "de" i subjekt, eller i det heile visste om at det heiter det. Og ho var ikkje akkurat skuleveik heller, for å seia det slik. Er det verkeleg, som sitatet påstår, sjeldan for nynorskbrukarane å gjera feil på dette?