Gazer75

Får fylgje med på prisen i NO2 neste veke. NordLink er heilt eller delvis nede heile veka for vedlikehald. Vil vere heilt utkopla frå måndag kl 6 til tysdag kl 18 og så rundt 50% kapasitet resten.

Nja... skilje mellom NO3 og NO5 ligg lenger nord. Er faktisk 420kV linja mellom Høyanger og Sogndal samt 132kV Mel-Gridsdalen som avgrensar. I dag er det kanskje 420/300 transformatoren i Sogndal blant anna. Desse autotrafoane som Statnett brukar mellom 420 og 300 er som regel 1000MVA. Flaskehalsen vil uansett vere 300kV linja over Hardangerfjorden og sørover. Den har faktisk vore oppe i 850-900MW på det meste siste tida. Net Transfer Capacity (NTC) er sett til 600MW eller noko slikt.

Har nok litt med mengde sol og vind som kjem inn i systemet i Tyskland vs Polen.

Her er det 44,8 dag og 38,6 natt + effektledd som er 219 for 2-5kW og 271 for 5-10kW. Alle avgifter og mva inkludert.

https://www.elkjop.no/product/tjenester-og-tilbehor/kabler-og-kontakter/usb-kabel/usb-30-dual-power-superspeed-kabel-svart/484840

Ja tenk at elvar som renn for fult må produsere kraft 😮 Kanskje vi skal la det renne forbi så vi får endå mindre kraft og høgare pris? 😛 Litt synd at detalj rapporteringa frå Statnett om bruk av magasinkraft er slutt. Kunne vore artig å sjå kva som faktisk blir brukt. Ingen fornuftige produsentar vil bruke magasinert vatn om dei ikkje må når prisen kan bli høgare til vinteren. Dei har også eit ansvar for at det skal vere nok gjennom vinteren. Ja fyllinga har gått ned litt i NO2, men tippar dei ventar påfyll utover hausten. Kan og vere mindre magasin som er fulle som treng tapping før det kjem meir nedbør. Må hugse på at NO2 dekkar eit stort område.

Takkar for gode svar. Søkte ikkje med rett terminologi tidlegare. Fekk forklart at han måtte ha ein slik kabel med Y splitt som han har på den game eksterne cd-brennaren han har. Den fungerte utan begge, men då med lågare fart. Han skulle sjekke med lokale butikkar.

Finnest det nokon adapter som kan gi nok straum til HDD? Fattern kjøpte seg ein 2TB USB3 disk og tenkte ikkje på at TV er gammal og har kun USB2. Ville bruke den til å sjå fotoalbum på TV...

Dette har vore diskutert og forklart før. Usikker på i kva tråd det var. Sjøkabel har mindre kapasitet og vil over lengre avstandar bli lite effektiv. Ein må sette opp kompenseringsanlegg langs kysten som tek plass. Sjøkabel er mange gongar dyrare per meter totalt enn luftlinjer, og feilretting tek lang tid. Det er rett og slett dårleg bruk av vår nettleige. Og skulle dei gjere dette så vil nettleiga stige endå meir.

Er vel noko kost/nytte greie inni bildet der. X tal kundar uten straum kostar Y pengar å kompensere. Er mange slike distribusjonslinjer i landet som forsyner eit mindre tal kundar. Utan å vite kor du bur og kan skjekke nettstrukturen så er det ikkje lett å seie kvifor det er slik. Men dei har no heilt klart vurdert det rimelegare å bruke aggregat for redundans. Sånn av hugs så veit eg at "ny" Breivikbotn trafostasjon (på Sørøya vest for Hammerfest) har to aggregat sidan det er kun ei 66kV linje ut på øya og den har to strekke med sjøkabel.

Vi har faktisk ein veldig desentralisert kraftproduksjon. At straumen er borte for folk ei stund vil vere naturleg fram til dei klarar å kople om. Ein kan ikkje forsyne fleire MW med last momentant så ein må ta det litt om litt. Svært mange kraftstasjonar er utstyrte for å forsyne lokalt forbruk i øydrift. Det meste av regionalnettet (over 22kV) har redundans også. Anten via andre regionale linjer eller ved at lokale 22kV distribusjonslinjer tek over. Største området eg veit om var Hamarøy og Steigen med kun ei 66kV linje som besto av tre fjordspenn over Tysfjorden, dei fekk redundans etter at Kobbvatnet trafostasjon opna i 2021. Utfordringa for Hamarøy og Steigen var at i øydrift så var det kun eit av kraftverka som kunne halde frekvensen. Og lange fjordspenn tek tid å reparere om det skjer noko feil med dei.

Virkar på diskusjonen som ingen bur i distrikta. Sykle eit par mil til jobb kvar dag går fint det. Er jo ikkje vinter heller. Ikkje er store delar av landet flatt heller. Denne avgifta per km var slik eg forstår det flat same kor ein bur. Det er jo heilt klart ikkje rettferdig. Skal ei ta i bruk vegprising så må dette bere basert på kva veg ein brukar og kor ein bur. Kan ikkje la ein som bur i Finnmark betale like mange øre per km som ein som kan suse på fine motorvegar i sør. Har jo sett på nyheitene at det er fylkesvegar som er reine myra i vårløysinga og bussen ikkje kan bruke den for å hente og bringe skuleborn. Fleire av fylkesvegane rundt meg er i svært dårleg forfatning. Det blir klatta litt asfalt her og der, men problemet ligg i grunnen. Bur ein nær dei større byane så er det også meir utbygd kollektivtransport. Dette eksisterer knapt i distrikta. Motorvegane kunne vore betre finansiert ved å registrere av og påkøyring ved alle rampar. Slik er det vel delvis på ein del motorvegar nedover i Europa. Prisen vert sett alt etter kor langt ein køyrde på vegen. Dette kunne også vore brukt til å delfinansiere vedlikehald av motorvegane. Då blir det meir til overs for andre mindre vegar som treng vedlikehald. Det er vel snart 100 milliardar i etterslep på fylkesvegar. https://www.veier24.no/artikler/etterslepet-pa-fylkesveiene-har-doblet-seg-de-siste-ti-arene/536412 Og kvar gong ein ny motorveg (eller anna ny riks-/europaveg) opnar så får fylket den gamle vegen. Men noko særleg meir pengar får ikkje fylka for å dekke opp dette. Når ein klagar på dette så seier rikspolitikarane at fylka må prioritere.

Heh! Vi kan alle flytte til Oslo eller ein anna større by og legge ned distriktsnorge. Lurar på korleis det vil gå... Men det er vel for kryptisk til at folk forstår. Om ein har høge bustadprisar no så blir det nok ikkje betre då. Ein skal ikkje mange kilometer ut frå ein riks-/europaveg før vegen er dårleg mange plassar. Og når ein klagar så får ein berre til svar at det er fylket sitt ansvar. Men å kaste gamle vegar over på fylke og kommune, det er staten flink til. Berre å bygge ny fin veg så ordnar alt seg. Prisen på bustader i distrikta er kanskje lågare, men mykje går bort i transportkostnader. Og så er også løna lågare.

Ein kilometerpris uansett kor ein køyrer blir heilt feil. Er ein del som faktisk må kjøpe seg høge 4X4 bilar fordi vegen er så dårleg at ein vanleg bil vil få skadar. Har jo vore i media at bussane nektar å køyre pga dårleg veg. Visar at det er kontorrotter i Oslo som sit og tenker ut slike ting. Dei har ikkje peiling på korleis vegnettet ser ut i distrikta.

Så lenge vasskrafta vår er rimelegare enn fossile kjelder i resten av Europa så vil eksporten gå. Og når vi ikkje har innestengt produksjon tilsvarande over 5000MW så vil også prisen vere som den er i NO2. Installert effekt i NO2 frå vasskraft var i september 2022 på rett under 11500MW, men det vil ein jo aldri utnytte 100% uansett. Og så er det rundt 1400MW med installert vindkraft som har endå lågare effektivitet.

Sonene er der fordi det ikkje er kapasitet nok mellom områda i forhold til potensielt forbruk og produksjon. I dag har vi kun ei 300kV linje mellom NO5 og NO2, Samnanger-Mauranger-Blåfalli som vart sett i drift i 1968. https://openinframap.org/#9.44/60.1292/5.9205 Ei slik linje vil, så langt eg forstår, alt etter lengde og alder, kunne overføre 500-1000MW. Mellom NO3 og NO1 har ein same greia. 300kV linja Vågå-Øvre Vinstra-Fåberg(Lillehammer) er frå 1959 og 1962. 300kV Vågå-Aura(Sunndalsøra) er frå 1973. Det er også ei 132kV langs Rv3 over Kvikne på dette snittet. Kvifor desse ikkje er oppgraderte før trur eg har med korleis flyten har vore tradisjonelt. Men med nye HVDC kablar så har flyten endra seg ein del, og Sverige har også auka sin produksjon i nord som legg større beslag på deira 8 420kV linjer sørover. Tidlegare så gjekk det meste av overskotet i nord og midt over grensa og sørover. Har ikkje lov til det pga avtalar vi har om energi med EU. Dette er ein del av EØS avtalen.

Slagentangen er sikkert fin til eit atomkraftverk. Raffineriet er nedlagt så det er jo kun ein terminal for drivstoff i dag.

Ser heller ikkje ut til at Fosen dommen får konsekvensar andre stader. Statnett har fått konsesjon til å bygge ny linje Skaidi-Hammerfest og ny stasjon ved Hammerfest for å elektrifisere Melkøya.

Noko må heilt klart gjerast for å få kontroll på prisen i sør. Fortset dette så forsvinn masse arbeidsplassar ut av området. Spent på kor lenge Morrow Batteries kjem til å halde på. Dei hadde store planar utanfor Arendal. Samtidig så må Glitre Nett bygge nye linjer og stasjonar for mange hundre millionar for å forsyne dette. Om Morrow legg ned pga for høg kraftpris så er mykje av dette overdimensjonert og vil koste kundane i Glitre Nett sitt område dyrt. Usikker på korleis finansieringa fungerer på slikt, men tvilar på at Morrow førehandsbetalar heile anleggsbidraget. Det at prisen er så høg er kun fordi vi har meir kapasitet på HVDC kablane ut av landet frå NO2 (ca 5100MW) enn vi har frå NO1 og 5 til NO2. Samtidig så gjekk faktisk fyllingsgraden i NO2 ned litt i veke 34. Den er også nær median, så dette bør ikkje ha noko å seie for prisen der. Spent på kva tala for veke 35 visar. Kor mange var det ikkje som påsto at det var snakk om nokre øre per kWh med nye kablar til Tyskland og UK? Nokon bør stå til ansvar for dette... Og pga avtalar vi har signert med EU om energi så kan heller ikkje Statnett bruke alle inntekter til å betale sluttkundar i Norge for å redusere kraftpris. Hovedregelen er at desse skal brukast til å vedlikehalde og forsterke nettet slik at det ikkje vert avgrensa kapasitet på linjer/kablar med utlandet. Dei får sette grunnrenteskatt på overføring av straum. Så kan dette brukast av tinget til å auke straumstøtta endå meir. Altså redusere taket til kanskje 50 øre. 😛

Ser at Uno-X har redusert prisen til 5,50 på alle stasjonar no...

Statnett melde inn ny linje Samnanger-Mauranger i 2017. https://www.nve.no/konsesjon/konsesjonssaker/konsesjonssak/?id=4588&type=A-1 Ikkje sett noko om dette på Statnett sine prosjektsider endå. Vidare sørover mot Blåfalli har eg ikkje sett noko. 420kV Blåfalli-Gismarvik er under behandling. NVE sendte den til OED i februar. https://www.nve.no/konsesjon/konsesjonssaker/konsesjonssak/?id=4728&type=A-1 Gismarvik er ein ny stasjon for Haugalandsområdet. Den vil vel ta over mykje av det som i dag går via Spanne og Håkvik ved Hydro Karmøy. Er og planar om oppgradering av dei to 300kV linjene frå Sauda. Men dette har ikkje noko med overføring mellom prisområder. https://www.statnett.no/vare-prosjekter/region-vest/sauda-gismarvik/ For dei som er interesserte så kan ein sjå kraftnettet med sånn nokolunde oppdaterte data på https://openinframap.org Dette er data frå OpenStreetMap som eg har lagt inn manuelt over dei siste åra. Manglar det meste av 22kV linjer sidan det er så store mengder og ting blir kartlagt manuelt. Desse kan ein sjå på NVE sine kart. Men NVE sine kart heng ofte etter og har masse feil.

Betre enn at straumprisen går i minus. Det kjem berre meir og meir vind og sol inn i systemet som vil gi store variasjonar. Då kan ein nytte seg av dette ved å pumpe når prisen er låg. Ingen er tent med negativ straumpris. Då er det betre med jamn pris på 30 øre. Det vil også gjere vindkraft til havs meir økonomisk. Slik det er i dag så er jo prisen nær null når vindkraftverka produserer som mest. Heilt normalt i land som har meir tradisjonell pumpekraft som er brukt til effektstøtte. At det vil kunne gi problem med erosjon og for fisk er jo heilt klart. Det gjer vasskrafta allereie i dag. Vi pumpar jo alt vatn opp i dei få pumpekraftverka vi har i dag. Men dette er sesongbasert og fordi nedre magasin har mindre kapasitet enn øvre.

Batteri lagring kan sikkert vere ok om ein brukar brukte bilbatteri osv. Men trur meir på pumpekraft her i landet. Altså bygging av pumpestasjonar ifbm dagens kraftstasjonar. Usikker på om dei kan byggje om dagens til å pumpe. Nye stasjonar for pumping med separate tunnelar kan byggjast utan at det går ut over produksjon i eksisterande stasjonar. Utfordringa er korleis dette vil forplante seg i systemet. Mange stasjonar er i dag ein del av eit system med fleire nedover frå fjellet til sjøen. Pumpar ein frå eit magasin så kan ein nok ikkje samtidig bruke av dette i kraftstasjonen nedanfor osv osv. Så ein kan jo då måtte stoppe produksjon i ein rekkje kraftstasjonar nedover som kan utgjere fleire hundre megawatt

Det gjer no heller ikkje ladeoperatørane. Men at ein får betre pris ved å bruke app og vere registrert. Ein kan vel lade med sms osv fortsatt utan å bruke app. Men det blir vel litt som fordelar ved å registrere seg hjå butikkjedene. Kiwi gir vel rabatt på frukt og grønt om ein er medlem. Ville nok blitt ramaskrik om ein fekk 1-5% rabatt på alle varer om ein handla via ein app som butikken har. Men ikkje om ein berre gjekk i kassa og betalte med kort.

Går vel akkurat på sommar og andre utfartsdagar slik det er no, men så kjem det jo berre fleire og fleire elbilar. Skal vel ikkje så langt tilbake før det var ladekø både her og der. Spesielt før pandemien. I dag ladar jo fleire og fleire elbilar med effektar godt over 100kW og kan også køyre mykje lenger mellom kvar lading. Så behovet vil kanskje ikkje vere like stort per ny bil som kjem.