Gazer75

Eit eksempel på kva grunnrenteskatt på mindre vasskraftverk endar med: https://www.nrk.no/vestland/her-renn-deler-av-fossen-forbi-_-slik-at-dei-slepp-a-betale-skatt-1.15419705 Har sett fleire konsesjonssaker der kraftverket er dimensjonert rett under 10MW, men som sikkert kunne installert meir og nytta høg vassføring på vår og haust.

Har også lagt inn dette med ferjetider som ønske til ABRP. Dei kan fint bruke API frå Entur til dette. Der er rutetabellen. 99% av tida så går ferja når den skal eller oftare. Hender vel no med elektriske ferjer at dei må hoppe over ein tur pga ekstra lading. For dei fleste ferjene så er det ganske konsekvent intervall. Normalt 15-30 minutt på dagtid og 30-60 minutt om dei går på natta. For mindre trafikkerte strekningar så kan det nok vere opp mot ein time mellom kvar avgang. Er også ferjer som kan vere over 2 timar mellom kvar, men då er det ofte alternativ rute eller ut til eit lite øysamfunn. Rutledal-Rysjedalsvika og Fure-Askvoll er eit par eg veit om med lang intervall. Med ferjetider så kan ABRP planlegge ladestopp før ferja og sleppe sitje der å kaste bort tid på kaien. På eit eller anna tidspunkt så får vi kanskje lading i ferjekøen også.

Når var dette? Veit det var noko greier der folk med B også fekk køyre lett lastebil opp til 7500kg. Var noko krav til fornying for dette. Trur foreldra mine hadde det men let det gå ut. Eg har kode 152 i mitt og kan køyre motorreiskap opp til 7500kg, men det gjeld då type gaffeltruck eller dumper osv. ikkje bil. Er litt idioti i systemet. Eg hadde ein Golf 2.0 TDI som eg kunne trekke fattern sin 1500kg Tredal hengar med. Men eg kunne ikkje trekke den med fattern sin Golf GTE sidan den var litt for tung. 2040kg tillat totalvekt, altså 40kg over.

Kor mange som kjøper seg elbil går også til trafikkskulen for å få BE førarkort? Er maks 3500kg tillat totalvekt bil+hengar på B kortet. Model Y som vel kan vere opp rundt 2500kg maks, då er det kun hengar opp til rundt 1000kg maks vekt på B. ID.4 4motion kan vere opp til rundt 2750kg, då har ein lite att til hengar og vil kun ha lov til å trekke ein 750kg maks vekt hengar på B. Ein veldig viktig ting på B vs BE er at med B ser på tillat totalvekt for bil+hengar, medan med BE så er det aktuell vekt som gjeld. Så med BE kan ein trekke ein tilhengar som kan ha maks vekt over det bilen har lov å trekke, så lenge den ikkje er lasta opp og veg over det bilen har lov å trekke. Ein kan ta eit 7 timars kurs og få B96 som då aukar tillat totalvekt til 4250kg. Då slepp ein også oppkøyring og praktisk test ved trafikkstasjon som ein må bestå for å få BE.

Er fleire mindre slike rundt om i verden, men litt vanskeleg å finne oversikt. Langtidslagring er nok langt fram, men at dei kan levere reserve osv vil eg nok tru. I land med lite roterande reserve så vil nok slike hjelpe ein del. Veit det er nokre gamle kolkraftverk og liknande i Tyskland der bygningar er brukt til dette, men akkurat kor dei er hugsar eg ikkje. Det var vel snakk om å bruke gamle elbil batteri osv.

I dag når eg starta opp Bilkraft (Eviny ladeapp) så fekk eg beskjed om at den ikkje hadde internett. Kartet som ein kan zoome og panorere lastar helt fint og alle andre apps eg har virkar også. Testa med både wifi og mobil data. Har sletta data og cache. Reboota telefonen. Nokon som har peiling på kva som skjer? Den virka for nokre dagar sidan og eg har ikkje endra noko som helst på telefonen.

På tide. Greit med vern, men ikkje for ein kvar pris. Flaumskadar kan bli svært kostbart i framtida. Om ein kan finansiere flaumdemping med kraftproduksjon så er jo det bra. Det kan vere magasinering oppe i fjellet og mindre elvekraftverk lenger nede i vassdraget med ein liten terskel med passasje for fisk.

Er nok neppe offentlege tal på kor mykje vatn som renn forbi elvekaftverka, men om dei kan nytte meir av dette til å pumpe opp att i magasin det det er råd så må jo det vere bra. Det vil nok også hindre at vindkraftverka produserer og prisen er 0, men dei har nok sikra seg med langsiktige avtalar uansett. Ved eventuell pumping så vil også dagens kraftstasjonar kunne produsere meir i korte periodar for å balansere ut mangel på vind og sol. Så tvilar på at magasina vil renne over i normale år uansett. Spent på korleis Lyse Kraft tenker at dei skal kunne pumpe masse vatn og samtidig halde minste vassføring i Suldalslågen.

Ja tenk at det ikkje bles storm heile tida 😛 På same tid så brukte Irland 42% av installert kapasitet.

Fint med 240-245V her Kravet gjeld vel ikkje for stikk som var der frå før? Vi hadde dobbel stikk i garasjen heime som vart brukt til motorvarmar. Den var vist ok å bruke. Fattern brukte kladden til å lade sin Golf GTE der. Men han sette den til 5A sidan det er så lite batteri uansett. No var det 230V 25A trefase ned i garasjen til eit eige lite sikringsskap der ein tok ut to fasar for straumen til den doble stikken.

Heilt einig. Meiner vi brukte 1 time på uret. Det var plenty for at ikkje bilen var iskald. Kunne velje mellom Auto, 1, 2 og 3 timar. Når ein snakkar om bortkasta straum så er det mykje som går bort ved AC lading heime også. Ser berre på min e-Golf ved maks effekt. ~7kW ut frå boksen men batteriet får 6-6,2kW.

Javel. Vi brukte Defa motorvarmar så lenge eg kan hugse på begge bilane til foreldra mine. Eg hadde det også i min andre bil så lenge eg budde heime. Alle med sånn enkel timer med to tidspunkt. Bilane var kopla til men styrt automatisk. Hadde aldri noko problem med 30-60 minutt på min Golf som sto ute i gata i -10C til -20C om eg skulle ut med bilen utanom faste tider. Kopla den ikkje til på kvelden om eg ikkje skulle på jobb på morgonen, så då var eg ned og kopla til og slo på manuelt. Edit: Ser Defa seier opp til ca 3,5 timar på auto i ein teknisk manual frå 2009 når ein brukar det enkle uret kalla Futura.

Motorvarmar er vel kanskje 500-600W. Kupevarmaren var ofte rundt 1200-1400W. Dette står heller ikkje på i mange timar. I veldig kaldt ver så er det snakk om ein time kanskje. Ved rundt -10C så er det snakk om maks 30 minutt. Er forskjell på 2kW i opp til ein time i kaldt ver og 2kW i mange timar. Kan jo vere snakk om over 12 timar om ein ikkje brukar bilen på kvelden og skal ha den kl. 8 dagen etter. Justere ned til 5-6A i bilen er nok ikkje dumt for å hindre varmgang. Ein del slike ladekladdar har også justering for dette.

https://e24.no/energi-og-klima/i/25GLgv/varsler-offentlig-utredning-om-kjernekraft Spent på kva som kjem ut av dette

Skal rette meg sjølv litt her. Sidan 2020 så har 3 kraftverk med magasin vorte sett i drift. Smibelg 33MW og Storåvatn 2 27MW omlag 4 mil (luftlinje) nord-øst for Mo i Rana. Og Østerbø 48MW på sørsida av Sognefjorden i Høyanger kommune. Magasina desse har er ganske små sett i forhold til dei større utbyggingane mellom 1960 og 1990.

Nja, vi har 42 reine pumpestasjonar. Største er Breive med 8x2,5MW. Kunne sikkert bygd fleire slike for å ha meir vatn til effekt i dagens kraftstasjonar. Utfordringa ved store raske variasjonar i magasina er erosjon. Regulerbar kraftproduksjon har det ikkje vore bygd på mange år. Både Leikanger og Feios er elvekraftverk med fleire bekkeinntak.

Heilt klart at byane treng lading langs gatene der folk med parkeringsløyve kan lade. Det vil og gjere det rimelegare for mange å byte til elbil. Eit godt alternativ til hurtiglading heilt klart. Ville vore perfekt for min del om eg var ut ein kveld på restaurant osv å kunne lade på 7kW med min e-Golf eit par timar. Men slik det er no så må eg gå halve sentrum gjennom for å finne næraste Type 2 AC punkt. Fristar ikkje ved våte og/eller kalde vinterkveldar. Å sette opp ei delvis løysing på f.eks. gjesteparkering i burettslag der kvar bueining også har sin eigen parkering i garasje er oppskrifta på konflikt. Kvar parkering bør kunne få minst 230V 10A eller 400V der dette er råd. Lastbalansering er jo det beste for å få ned kostnad.

Om ein ser totalen så er det nok mange fleire enn 5% som ikkje kan lade heime og difor ikkje har skaffa seg elbil. Er vel kun omlag 25% av personbilparken som er elektrisk så langt. Ein kan sikkert installere lading i burettslag osv, men for ein del så blir det svært dyrt når dei må betale anleggsbidrag på toppen. Eldre blokker har ikkje nok reserve inn til å kunne drifte lading av ein masse elbilar og det lokale nettet og trafoen er ikkje dimensjonert for det. Då trillar millionane ut i oppgraderingar. Må hugse på at mykje av det gamle lågspent nettet i Norge er 230V IT og ikkje 400V TN. Ikkje alle som bur sentralt til og kan velje og vrake i lading heller. Er vel berre Tesla og Ionity som har abonnement. Dei kan det vere langt til ein del plassar. Når det er sagt så skal det vere ganske dyr lading før ein er på linje med diesel. For min del sparar eg 25-50% på drivstoff med elbilen ved 100% hurtiglading. Sidan eg brukar under 100kWh i snitt per månad så er abonnement ikkje verdt det hjå Tesla. Er og mykje styr med kort kabel og ladeluke høgre bak. Nokre samanlikningar runda til næraste 50 øre/liter: 5kr/kWh @ 250Wh/km = 19kr/liter @ 6,5L/100km 5kr/kWh @ 200Wh/km = 18kr/liter @ 5,5L/100km 5kr/kWh @ 150Wh/km = 17kr/liter @ 5L/100km 6,5kr/kWh @ 250Wh/km = 25kr/liter @ 6,5L/100km 6,5kr/kWh @ 200Wh/km = 23,5kr/liter @ 5,5L/100km 6,5kr/kWh @ 150Wh/km = 19,5kr/liter @ 5L/100km Trur eg har vore litt snill med forbruket til fossil bilen her, men det gir no ein peikepinn.

Er ikkje tvil om at det blir dyrare systemdrift når dei må kjøpe meir primær og sekundær reserve som ofte er dyrt. Sverige har også mindre regulerbar vasskraft som kan balansere systemet. Kan kanskje hjelpe med fleire linjer over grensa til Norge. Men så må det kome meir typisk pumpekraft også, ikkje slike sesong baserte pumpekraftverk som vi har.

Hjelper ikkje at OED brukar to år på å behandle klage på konsesjon for nye linjer og kablar. https://www.statnett.no/vare-prosjekter/region-ost/hamang-barum-smestad/nyhetsarkiv/vedtak-statnett-skal-bygge-kabel-mellom-hamang-i-barum-og-smestad-i-oslo/ Litt som forventa når det skal gå gjennom Bærum og Oslo vest. Spent på om det blir kabling når linjene i Groruddalen skal oppgraderast.

Og det er vel litt av problemet. Operatørane veit at veldig mange ikkje bryr seg og då kan dei ta ekstra. Så lenge prisane er som dei er vil det sitje lenger inne for folk å byte til elbil om dei ikkje kan lade heime. Ein må sjekke pris om ein må bruke hurtig-lading ellers kan ein risikere å betale meir enn om ein køyrer diesel.

Feil i speedometer er definert i seksjon 5.3 i Regulation No 39 of the Economic Commission for Europe of the United Nations (UN/ECE) 0 ≤ (V1 – V2) ≤ 0,1 V2 + 4 km/t Der V1 er speedometer og V2 er faktisk fart. Difor skal det faktisk alltid vere 4km/t feil ved nye dekk på original standard dimensjon. Testing på dei fleste bilar skal gjerast i 40, 80 og 120. Min e-Golf er mellom 3 og 4 feil på mine 195/65-R15 vinterhjul i 80, og i 40 er det 1-2 feil.

Fekk aldri registrert meg på AliExpress så enda med å bruke Ebay. Kosta vel under 1200kr med frakt og MVA, og tok litt over ei veke før den var i postkassa.

Meir kraft er betre enn ingen ting. Vi har ikkje all verden med vasskraft å byggje ut, spesielt ikkje magasinkraft. Ein kan sikkert diskutere kva ein skal bruke krafta til, men utan meir kraft vil industri ikkje etablere seg og skape arbeidsplassar. Er mykje eksisterande industri som vil elektrifisere som burde få kraft før ein gjev den til data senter osv. Eg tenker eit samarbeid med Sverige og Finland om eit par atomreaktorar bør vurderast. Om vi har eit par 500MW reaktorar nær Oslo så vil ein dekke ein basis last. F.eks. på Slagentangen der det gamle Esso raffineriet var. I framtida kan ein sikkert bruke dagens gassterminalar til dette også.

Sett bort frå prisen på havvind så er jo det bra for oss. Jo meir vindkraft vi har jo meir kan magasinkraftverka spare vatn. Og slik det ser ut så planlegg fleire produsentar oppgradering for meir effekt og ser på pumping for å nytte overskot i vindkraft.