torbjornen

https://www.nrk.no/urix/kina-sorger-for-ny-rekord-for-nord-ost-passasjen-1.17053680

Ukrainske fangar som melder seg til krigen er ofte av dei mest motiverte soldatane. https://www.nrk.no/urix/xl/ukraina-loslater-fanger-for-a-kjempe-ved-fronten-1.17019841

Ein kan lure på om Russland til slutt vil ende opp som Eit nytt Nord-Korea, eller kanskje heller Ein mislukka stat som f.eks. eit nytt Somalia.

Det er diverre alltid nokon som tenkjer at ein slik situasjon ville vere ideell for å skaffe meir makt til seg sjølv og å tvinge viljen sin på andre. Dette har ein sett i september 1939, 9/4 1940, 24/2 2022 og mange fleire gonger. Det er grunnen til at ein treng eit oppegåande forsvar, sjølv om det kostar.

Det mest interessante her var vel at armensk etterretning skal ha avslørt kupplanar og spor som peikar mot Russland. (Mykje av det andre som f.eks. "jordskjelvet" i Toropets veit ein om frå før).

Det var vel slik at 80% av styrken som skulle vakte norskegrensa mot NATO er gått til i Ukraina. Russland set inn alt dei har i krigen i Ukraina. Kvifor skulle dei tenkje annleis når det gjeld beredskapslager øyremerka krig mot NATO?

Med tanke på "jordskjelvet" i Toropets: Veit ein kvar Russland har lagra atomvåpena sine? Er det nokon risiko for at Ukraina kan treffe desse, slik at dei detonerer og/eller skaper ei miljøkatastrofe?

Etter at eg har vore kunde i over 20 år har eg fått melding frå banken om at eg må legitimere meg med pass/nasjonalt id-kort dersom eg vil behalde bankID. Banken vil då sende ei rekommandert sending (om eg har forstått dette rett), og ein må då møte opp i post-i-butikk og vise passet. Samstundes har bankID-appen ei teneste der ein skal kunne legitimere seg for banken frå sofakroken: https://bankid.no/identitetssjekk-med-pass-og-bilde Men i følgje kundesørvis må ein fyrst legitimere seg fysisk for banken, og fyrst etter dette kan ein bruke bankID-appen sine tenester. Då er jo eigentleg denne tenesta ubrukeleg. Kva er vitsen med ei teneste som uansett ikkje kan brukast til å legitimere seg for banken? Er det nokon her som har brukt bankID-appen til å legitimere seg for banken, eller som har vore liknande problemstilling?

Ein bør kanskje også ha eit nært samarbeid med naboland som f.eks. Finland, Sverige, Danmark, Tyskland, Storbritannia, baltiske land og Polen, samstundes som ein prøver å bli mest mogeleg uavhengig av USA. Sistnemnde er kanskje vår viktigaste allierte, men følgjer sine eigne interesser. Ingen veit om vi kan stole på USA i framtida.

Dette er eg heilt einig i. Men dei må vise over tid at dei er til å stole på, og forholdet må normaliserast gradvis. (Vest-)Tyskland var okkupert etter krigen, slik at ein kunne få på plass eit heilt anna regime. Russland kan ikkje okkuperast på same måten.

Det ser ut til at skilnaden mellom Trump og Biden er at Trump vil at Ukraina skal kapitulere, medan Biden vil kjempe til siste ukrainar. Begge er fyrst og fremst opptekne av økonomi og at forholdet til Russland skal normaliserast. Eg håpar at Ukraina kan få meir drahjelp etter at valet er over og Kamala (forhåpentlegvis) tek plass i det ovale kontoret. Men eg har blitt skuffa så mange gonger at eg er skeptisk.

Russland anerkjente desse grensene i 1994.

Det heiter seg at alt er relativt. Mange trudde at Russland ville ta Ukraina på nokre dagar. Med tanke på føresetnadane og den altfor svake støtta frå vestlege land har Ukraina gjort det betre enn nokon kunne forvente. Mi meining er at Ukraina ikkje har mykje å forhandle om. Den dagen Russland må trekkje seg ut av NATO-landet Ukraina kan ein forhandle om kor mykje Russland skal betale i erstatning. Forhandlingar før den tid ville skje på Russland sine premissar, og ville berre la russarane byggje seg opp att, slik at dei får appetitt på meir av Ukraina og/eller andre land i Europa eller Sentral-Asia.

Det står vel her at dei russiske speidardronene er blitt vanlegare. Akkurat det er ikkje bra.

Eit alternativ vil vel vere å få elektrikaren til å setje opp ein brytar på veggen. Evt. har ein uansett mogelegheit til å kople ut sikringskursen og skru av varmtvasstanken på den måten. Redigert: Etter å ha lese gjennom dei siste innlegga ser eg at @AndersT2 har eit godt innlegg som utdjupar dette.

Eg er ueinig. Kongen og dronninga er både konge og dronning og foreldre. På den eine sida støttar dei dottera. På den andre sida tek dei avstand frå kvakksalveri og svindel. Dessutan dreier dette seg om å skilje mellom sak og personar.

Offentleg støtte har dei så vidt eg veit ikkje vist, dei har vel tvert imot uttrykt at dei ikkje støttar det sjamanen driv med. Men dette handlar om at dei kongelege også er menneske med eit privatliv. Kva kongen og dronninga tenkjer om Märtha og sjamanen speler ikkje noko rolle, ho vil alltid vere like mykje dottera deira, uansett kva val ho måtte gjere i livet. Og slik burde det vere i alle familiar.

Eg lurer på om problemet her er at Labour er feigare enn toryane var. McCaul var vel tydeleg på at han hadde fått vite at dei amerikanske restriksjonane ville bli letta eller fjerna?

Det er vel i slike tilfelle at ein treng samsvarserklæringa, og då særleg dersom det blir brann av det.

Det er i dag krav om at det ikkje skal brukast støpsel til varmtvasstank fordi denne løysinga er sårbar/brannfarleg på grunn av høg straum over tid. Dersom ein gjer noko med anlegget som f.eks. å skifte varmtvasstank slår kravet inn. Eg har sjølv ein slik varmtvasstank, og ved "privat" kontroll (som ein betalar for) har eg fått råd om å følgje med og å sjekke støpselet av og til. Eg meiner å hugse at dersom gummien skulle byrje å løsne er det teikn på varmgang.

Kva dersom dottera til denne politikaren trur på ånder og giftar seg med ein sjaman, samstundes som svigerdottera sin son frå eit tidlegare forhold blir blanda inn i ei valdssak? Bør presidenten, som eigentleg har gjort ein god jobb då skiftast ut? Eller bør ein til og med endre styreform?

I denne samanhengen må du hugse at også kommersielle kanalar som tv2 treng statsstøtte for å overleve. Så noko statsstøtte må til uansett, men den kunne ha vore redusert samstundes som ein opna for (meir) reklame.

Laptopen var bestilt frå elkjop.no under black week i november 2022, og eg har funne eposten med kvitteringa. Dette må vel vere ei garantisak? Er det mogeleg å levere inn maskina i ein fysisk elkjøp-butikk?

Eg har ein laptop som oppfører seg merkeleg. Samsung, kjøpt for eit par år sidan. Rett som det er byrjar den å spy ut 5-tal. Samstundes virkar ikkje 5-tasten, samt at nokre av tastane ikkje virkar når eg held inne Shift-tasten for å få stor bokstav. Touchpaden virkar i periodar heller ikkje som han skal. Er dette virus, eller er det eit hardwareproblem? Er det nokon som har vore borti liknande?

Nettopp. Dei har vore saman sidan dei var unge. Om ein finn kvarandre når ein er 50 blir det ingen etterkommarar. Så i alle parforhold som varer til folk blir gamle må det vere noko "feil" med mannen? Eller er kanskje menn og kvinner meir like enn det du vil ha det til?