torbjornen

Dette blir litt OT, men den gamle Elektra-komfyren frå 1967 fungerte fram til skrusikringar vart bytte ut med jordfeilautomatar. Eg har inntrykk av at eldre komfyrar endar opp med jordfeil i platene.

Det som iallefall er sikkert er at ting laga på 1960-talet hadde ein annan kvalitet enn det som blir laga i dag. Antagelegvis vart det eit problem at ting varte for lenge, og når "alle" hadde skaffa seg varmtvasstank, frysar eller vaskemaskin fekk ein ikkje selt fleire.

Konklusjon: Då er det med andre ord ikkje behov for ny kurs ved byte av varmtvasstank, elektrikaren kan leggje (fast) leidning frå stikkontakten til den nye varmtvasstanken. (Men ein bør finne ein annan stikkontakt dersom ein skal bruke støvsugaren, evt. kan stikkontakten bytast ut med ein koplingsboks).

NATO var vel aldri med på nokon Irak-krig. NATO var med i Afghanistan-krigen på grunn av at 11/9 utløyste artikkel 5. NATO blanda seg inn i borgarkrigen i Libya og styrta Ghadaffi etter vedtak i FN, og som vel Russland meinte vart utnytta i større grad enn det vedtaket la grunn for. Så var det borgarkrigen mellom serberar og Kosovo-albanarar. Der var det vel ikkje noko internasjonalt vedtak som låg til grunn, men Europa og USA reagerte til slutt etter å ha sett på blodbadet i Jugoslavia i 10 år, inkludert folkemordet i Srebrenica der FN-soldatane var heilt handlingslamma. Ut over dette har vel aldri NATO angripe nokon. At tidlegare eller noverande stormakter fryktar NATO kan godt hende. Om frykten er reell er ei anna sak. Men denne frykten, reell eller ikkje passar godt inn når ein skal lage propaganda for ein ulovleg krig.

Med den logikken kunne vel USA gjere krav på både Cuba og mange andre land.

Norge omfatta i si tid Orknøyane, Shetland, Færøyane, Island, Grønland, Hjämtland og Härjedalen samt store deler av den svenske vestkysten. På kort sikt er det sjølvsagt ille å miste landområde i ein krig. På litt lenger sikt trur eg NATO-medlemsskap og ein varig fred vil vere viktigare enn å ta tilbake dei okkuperte områda. (Men eg håpar uansett at resultatet blir begge deler).

Eg bur i eit hus som var nytt i 1968. Varmtvasstanken er så vidt eg veit like gammal, og gjer det den skal gjere. Eg er også imponert over frysaren frå 1963 som framleis fungerer snart 60 år etter at den vart kjøpt. Fjøsen er frå 1993, og er utstyrt med varmtvasstank med støpsel. Den virkar framleis, og har aldri vore i ustand. Eg voks opp i eit hus frå 1966. Eg meiner at varmtvasstanken der vart skifta då eg var "liten", dvs. tidleg på 1980-talet. Ny tank fungerte til etter 2000 (mogeleg at den framleis fungerer), men termostaten måtte skiftast på slutten. På hytta frå slutten av 1970-talet var det også ein varmtvasstank, men den virka ikkje i så mange år.

Ville det vere i strid med dagens krav å ha stikkontakt på same kurs som ein varmtvasstank?

Det ville jo vere ironisk, sidan ei viktig årsak til at Ukraina slit er at Vesten har vore nølande og gitt altfor lite støtte, altfor seint. Kanskje burde heile offensiven ha vore utsett til neste år?

Er det mogeleg å få stansa denne russiske motoffensiven i nordaust? Kvar vart det av desse russiske motstandsrørslene som kjempa inne i Belgorod forresten?

Det er ikkje berre du som var naiv. Det er vanskeleg å seie kva som var situasjonen i 2014. Dei austlege delene av Ukraina var i utgangspunktet meir Russlandvennlege enn dei vestlege delene, og det var nok heilt sikkert ei viss misnøye med maktskiftet som følgde Maidan-revolusjonen. Det er vel like sikkert at Russland hadde ein finger (eller fleire) med i spelet i opprøret/krigen i Aust-Ukraina, og kanskje enno klarare at Russland stod bak kuppet og okkupasjonen av Krim. I dei såkalla folkerepublikkane var vel leiarane for opprøret i byrjinga lokale folk, men vart, slik eg forstår det sidan bytt ut med russarar.

Ein må ikkje snu ryggen heilt til Kina. Det er viktig at Kina framleis må ha meir å tape enn å vinne ved å støtte Russland militært.

https://no.m.wikipedia.org/wiki/Moskvaprosessene

Eg har eit inntrykk av at Ukraina har ei høgt utdanna befolkning, ligg langt framme teknologisk, og dei har også hatt ein svært vellukka mediestrategi i forhold til krigen. Er det arven frå Sovjetunionen med tanke på korrupsjon som gjer at staten ikkje har oversikta den treng for å kalle inn vernepliktige? Eller har russiske missil- og droneangrep, evt. cyberangrep greidd å ramme infrastrukturen på ein slik måte at ein har mista oversikta?

Det virkar uansett rart og svært tilfeldig når dei tvangsmobiliserer tilfeldige folk på gata. Om det derimot var snakk om frivillig mobilisering ville framgangsmåten ha hatt meir for seg. Kvifor kallar ein ikkje heller inn alle menn fødde i visse årskull til mobiliseringssenter? Dette ville ha vore meir rettferdig og litt mindre tilfeldig enn å kalle inn dei som er så uheldige å passere ein politimann på gata.

Om ukrainarane har mangel på soldatar ser det mørkt ut. Det ser ut som at Ukraina treng framgang så det monnar snart, om ikkje fanatiske russarar med null respekt for menneskeliv skal vinne krigen mot ei utarma krigstrøytt ukrainsk befolkning.

Var det ikkje Prighozin Biden uttalte seg om her?

https://www.digitalarkivet.no/content/start-properties

Russarane sender droner mot Kiev og andre ukrainske byar for 3. natt på rad: https://www.nrk.no/urix/minst-en-dod-i-nytt-russisk-droneangrep-mot-kyiv-1.16481349

No er vel både Tyskland og USA blant G7-landa, så årsaka må vere ei anna. Og det er vel kanskje at desse sikkerheitsgarantiane ikkje kan utløyse nokon artikkel 5?

Erdogan var visst ikkje ferdig med å stikke kjeppar i hjula for svensk NATO-medlemsskap. https://www.nrk.no/nyheter/erdogan_-tyrkia-kjem-ikkje-til-a-godta-sveriges-nato-soknad-for-oktober-1.16481095

Og Russland sutrar vidare.

Er det dette du tenkjer på? Så får ein håpe at desse sikkerheitsgarantiane er meir verdt enn garantiane frå 1994.

Men er spørsmålet om NATO-medlemsskap eigentleg relevant så lenge Ukraina er i krig med Russland? Det vesentlege må vere at NATO-landa lovar å støtte Ukraina "as long as it takes". Når krigen er over må landet få sikkerheitsgarantiar, og bli fullverdig medlem av alliansen så raskt som mogeleg.