The Avatar

Utanom moralen så ser eg ikkje ein veldig stor forskjell på at du lovleg kan jobbe som massør og ta på alle kroppsdelane til kunden utanom kjønnsorganet, eller at du kan kle deg naken i yrket som stripper/modell, men ikkje om den betalande kunden masturberer samtidig slik at det blir ei seksuell handling. Tilsvarande er det i forhold til stigmaet med å ha ein jobb som gir ubehag. Så lenge det er frivillig så ser eg heller ikkje at det skal være så stor forskjell på å ha ein jobb der du tek klienten i skrittet til dei får utløysing, kontra å ha ein jobb der du tørker klienten i baken etter dobesøk, kroppsleg sett er det ganske samanliknbart ved at begge delar ofte er ekkelt mellom framande. Det blir også likt psykisk sett, det er mange lovlege jobbar der du blir utsatt for påkjenningar som du i verste fall får PTSD eller blir suicidal av å utsette deg for, som til dømes psykiater eller ambulansearbeidar.

Du det er ikkje forbod mot å selge slik kunst. Det er likevel nokre fallgruver, som til dømes om du selger verket som at det er ditt originale verk og dermed gir uriktige opplysningar om varen du selg. Det er sjølvsagt lov til å betale i dyre dommar for eit bilde du har laga med AI, men det er sjølvsagt ei grense for kva som er betalingsviljen for noko som kven som helst kan gjere på kort tid utan å føre kjøparen bak lyset. Så det kjem også ann på kva du eigentleg tek betalt for, er det hovudsakleg å printe ut og ramme inn kunstverket? Er det tida du har brukt på å skrive inn dei rette orda og valgt ut det beste bildet? Tek du betalt for ein eigenutvikla AI til dette formålet? Eller tek du enkelt og greit betalt for å late som at du har brukt mange timar på å skape kunst? Osv. Merk også at på AI verktøy som er tilgjengelege enten gratis eller via ein lisens, så vil det kunne være brukarvilkår som avgrenser kva du kan gjere med sluttproduktet.

Det har nok mykje med kva du definerer som verdenskrig. Proxykrig er også krig, men du har nok rett i at framtidas krigar nok ikkje vil være erklærte i brevsform i diplomatiske møter der klart definerte nasjonale armear møtes på slagmarka. Leiesoldatar, opprørsgrupper, hackerangrep, droner, osv er nok den nye normalen. Ikkje at proxykrig er nono nytt heller, også under andre verdenskrig var det mange nasjonar som kalla seg "nøytrale" til tross for at dei heilt klart støtta og hjalp den eine sida med våpen og materiell. Grunnen til at vi ikkje har atomkrig i Europa akkurat no er fordi russarane forstår at dei ikkje er tent med å bli utsatt for motangrep med atomvåpen. Krigen mellom Russland og Ukraina nærmer seg fort definisjonen av verdenskrig. På russisk side er det no både belarusiske og nordkoreanske soldatar, og på ukrainsk side så er det frivillige fra mange nasjonar, og sjølvsagt stor indirekte støtte frå Europa og Amerika.

Ser at det er ein del busselskap som tilbyr å dekke sertifikat, men eg veit ikkje om transportselskap som har tilsvarande tilbod. Det mest realistiske er nok å ta kontakt med aktuelle arbeidsgivarar for å høyre kva dei kan tilby. Mitt inntrykk er at transportselskapa ikkje er desperate nok til å dekke kostnadane på same måte som busselskapa. Beste rådet er å forhøye seg med lokale arbeidsgivarar. Dei vil kanskje være meir villig til å inngå ein avtale for å få deg som arbeidstakar framfor å måtte tilsette nokon frå utlandet.

Du kan også be om innsyn i lønna til dine kollegaer og i andre avdelingar. Dette er offentleg informasjon. Minimumslønna er det berre å slå opp i tariffavtalen. Makslønn finnes eigentleg ikkje, men du må argumentere sterkt om du skal få særleg mykje meir lønn enn kollegaene og ikkje minst sjefen din, det er likevel i teorien mogleg.

Ja det kan du. Du legg maten du skal varme opp inni eigna emballasje som toler oppvarming. Til dette ville eg brukt plastposar som er litt tjukkare enn f.eks. brødposer. Det aller beste er å pakke inn maten i sous-vide poser for vakumeringsmaskin då disse posane er berekna for å ligge i varmt vatn. Altså tilsvarande som Fjordland middagane. Denne konkrete løysinga består at ein plastpose med ziplock samt ei "pute" som utviklar varme når den blir våt. Den ytre posen held på dampen slik at du får mest mogleg oppvarming på posen med mat som du har inn i varmeposen. Denne løysinga er som nemt utvikla for militærrasjonar, så til heimebruk kan du legge denne "puta" direkte i kasserollen, deretter tilsetter du vatn slik at "puta" får utvikle varme.

For ein arbeidsgivar så er det ofte meir administrasjon for mindre inntening å organisere deltidstilsette. No kjenner eg ikkje konsulentbransjen særleg godt, men det stemmer nok at dei fleste som leiger inn konsulent gjer det fordi ein treng 100% arbeidskapasitet. Dei som berre treng konsulent i 50% stilling klarer vanlegvis å dekke over det arbeidsbehovet ved bruk av overtid på dei andre tilsette, noko som ofte kan bli billegare enn det å leige inn konsulent. Å bruke pengar på konsulent gjer ein vanlegvis ikkje før det verkeleg er behov for det. Unntaket er når ein leiger inn konsulent for å få tilgang til spisskomeptanse som bedrifta ikkje har frå før. Då er det nok fleire osm berre vil betale konsulenten for dei få timane ein treng fagkompetansen, men det å finne disse kundane med behov som tilsarer din stillingsprosent er nok ikkje berre enkelt. Til tross for at det kanskje er litt ekstra utfordrande innafor konsulentbrasnsjen, så vil det variere ein del frå arbeidsgivar til arbeidsgivar på kva som er ein betydeleg ulempe. Enkelte arbeidsgivarar vil enkelt og greitt ikkje oppfylle sine forpliktingar etter arbeidsmiljølova, og ikkje minst sine samfunnsforpliktingar med å legge til rette for at folk kan få barn. Staten har gjennom lovverket lagt mykje av kostnadane ved dette over på arbeidsgivarane, noko som sjølvsagt er lettvint for Staten, men ulempa er sjølvsagt at belastninga med denne kostnaden kan bli ujamt fordelt utover ulike arbeidsgjevarar. For trådstarter kan det være mogleg å vinne fram rettsleg med at ei 50% stilling ikkje utgjer ei vesentleg ulempe for arbeidsgivar. At det er ein ulempe er ein ting, men etter arbeidsmiljølova så er ikkje arbeidsgivar fri for sine forpliktingar med mindre ein kan vise til at ulempane er vesentlege. I tillegg er arbeidsgiver pliktig til å gjere tiltak som reduserer ulempane, så ikkje berre skal ulempen være vesentleg, den skal også være vesentleg til tross for forsøk på å redusere ulempane. Reint konkret så kan det være eit alternativ å gå i forhandlingar for å finne ut kvar grensa går for arbeidsgjevar. Sjølv om at arbeidsgiver ønsker arbeidstakarar i 100% stilling så betyr ikkje det at det vil medføre ein vesentleg ulempe for verksemda om ein av dei tilsette jobbar i 90% stilling. Så om 50% blir for stor stillingsreduksjon så du prøve å sjå om ein 40% reduksjon er meir akseptabel. Kva som medfører ein vesentleg ulempe er nok også avhengig av kva arbeidstidsordning ein legg til grunn. Ein stillingsreduksjon der du berre jobbar fire timar kvar dag mellom kl 10 og 14 vil kanskje merkast langt mindre enn ein tilsvarande stillingsreduksjon der du er på jobben berre anna kvar dag. I andre jobbar vil kanskje det å berre jobbe fulle dagar av og til være enklare å handtere enn ein arbeidstakar som jobbar halve dagar.

I så tilfelle så burde du kjøpe inn nokre varmeposer. https://www.paracord.no/products/frh-feltrasjon-varmepose Slike finnes også i ein del feltrasjonar, alt du gjer å helle kaldt vatn på varmeelementet og så vil det skje ein kjemisk reaksjon som utvikler varme, som igjen varmer opp maten. Kjøper du inn 7 slike så er du i det minste sikra eit varmt måltid kvar dag i ei veke før du må ta til takke med kald boksemat. Dette produktet er utvikla som enkeltporsjonar med ein pose per person, men er du litt gnien så kan du til heimebruk legge denne varmeposen i ein kasserolle med lokk og på den måten varme fleire porsjonar med mat på ein og same pose. Det er sjølvsagt ei grense for kor gjerrig du kan være, blant anna med tanke på kor kompakt og kald maten er. Ei hermetikkboks vil det nok være lurt å legge over i plastpose før oppvarming, vist ikkje vil det nok ta langt tid før lapskausen er varm heilt inntil sentrum. Det er eigentleg same produktet som går under navnet handvarmere: https://www.biltema.no/fritid/jakt/jaktklar/handvarmer-2000042043 som også kan være fint å ha. Det er ikkje ei skikkeleg oppvarmingskjelde, men det hjelp godt på komforten å få varme i fingrane igjen. Er det skikkelg kaldt så kan du også legge handvarmaren på innsida av jakka for holde kjernetemperaturen oppe.

At vi ligg høgt oppe på statistikken over legar og sjukepleiarar per 1000 innbyggarar kan også lesast på ein anna måte enn at det er ressurssløsing. Den viktigaste forklaringa er at vi har råd til å gi alle innbyggarane eit godt helsetilbod. Det burde ikkje være veldig overraskande at det er i dei rike landa ein har flest legar. Den andre forklaringa er geografien vi har i Norge med mange sjukehus og legesenter. Her kan ein sjølvsagt argumentere at det er sløsing at vi ikkje har sjukehus berre i dei store byane, men eksakt kvar ein skal sette grensa for "godt nok" helsetilbod blir eit reint politisk spørsmål. Om vi ser på statistikken over sjukehussenger pr 1000 innbyggarar: https://www.theglobaleconomy.com/rankings/hospital_beds_per_1000_people/ Så ligg Norge på ein 19 plass til tross for at vi har mange sjukehus, godt slått av mange andre Europeiske land. Om vi skal analysere dei tala litt så tyder det på at sjølv om Norge brukar mykje pengar på å tilsette legar og sjukepleiarar så sparer vi også mykje pengar ved å flytte behandlinga ut av sjukehusa og sjukesengene og over til legekontor og heime hos folk. Døgnprisen for eit sjukehusopphold i Norge er 5745 kr så ved å ha relativt få sjukesenger så henter ein innigjen ein del av kostnadane der. Japan har utifrå folketal berre halvparten så mange legar som oss, men til gjengjeld har dei nesten fire gongar så mange sjukehussenger. Så blir det opp til økonomane å finrekne på kva som er dyrt og billig. Eg vil også kommentere på at det er ei veldig smal grense for kva trivielle oppgåver legen utfører sjølv når ein fyrst sitt foran datamaskinen på legekontoret, og kva som det lønner seg å tilsette eigne folk for. Ein norsk lege tener ikkje så ekstremt godt, vanlegvis omtrent dobbelt så mykje som ein helsesekretær. Om vi samanlikner mot ein ufaglært arbeidar utan arbeidserfaring så tener ein typisk lege nesten tre gongar så mykje. Enkel matematikk tilseier at med mindre legen bruker minst 1/3 av arbeidsdagen sin på å gjere "sekretærarbeid" så vil det ikkje bli billigare å tilsette nokon andre til å gjere jobben i staden for. Det kan likevel lønne seg der det er veldig mange legar som jobbar samtidig, som til dømes eit legekontor med mange legar så vil det i sum lønne seg å tilsette ein ufaglært arbeidar til 1/3 av lønna til å gjere dette arbeidet, men det fordrer også at disse arbeidsoppgåvene fordeler seg forholdsvis jamt utover. Eg vil også tru at det er relativt liten tidsbesparelse at nokon andre har spurt pasienten om medikamentbruk for deretter å lage ei liste som legen må sette seg inn i, kontra at legen berre spørr direkte og bruker sin kompetanse til å vurdere kva som er gode nok svar og kva som krev oppfølgingsspørsmål. Eit anna moment er også kva kvalitet vi ynskjer på helsetilbodet. Det mest effektive hadde nok vært at sekretæren var inne på rommet saman med legen for å skrive referat rett inn i journalen, men ein minster nok litt av fortrulegheita mellom lege og pasient når ein er fleire inne på rommet som høyrer kva som blir sagt. Det er enkelte pinlege ting som det er vanskeleg nok å fortelle til ein lege av same kjønn og som du er trygg på om det ikkje skal sitte ein ungdom av det motsatte kjønn med spisse øyrer og blyant som høyrer deg legge ut om underlivsproblema dine. Alt det sagt, så er eg likevel einig i essensen av det du skriv. Automatisering vil kunne frigjere mykje ressursar også i helsevesenet, som til dømes tale til tekst som kombinert med KI kan formulere det som høyrer heime i journalen basert på det som vart sagt i legetimen (utan å også ta med pratet om været og andre usaklegheiter). Her vil ein kunne løyse mykje av problemet med byråkrati. Det som kanskje er største hinderet er at det generelt sett er liten aksept i befolkninga til å la datamaskiner ta viktige beslutningar om liv og helse. Sjølv om det er lite effektivt så er nok mange meir konfortable med at to legar blir einige om kva medisinering pasienten skal få, enn at det er berre ein lege pluss KI, eller kanskje berre KI som setter medisinplanen.

Vil legge til at sjølv om det beste er å desinfisere flasker og dunker så er det ikkje tvingandes nødvendig om dunken er forholdsvis rein. Det norske springvatnen er stort sett så godt rensa at det ikkje er mikroorganismar som formerer seg, så bytter du til reint friskt vatn på dunkar som berre har blitt brukt til vatn så er du rimeleg trygg på at vatnet har god kvalitet når du treng det. Kjøpevatn er både rensa og fylt på desinfiserte flasker og står seg i praksis til evig tid sjølv om det etterkvart kan ta litt smak frå emballasjen. Det viktigaste er unngå sollys, så oppbevar vatnet mørkt og gjerne litt svalt.

Det kan være at ein del av disse ukrainiske flyktningane ikkje er registrerte som flyktningar og fanga opp i systemet. Mange ukrainarar som flykta pakka bilen og køyrte til vennar og bekjente i andre land og har derfor hatt bevertning i privat regi utan offentleg støtte. Elles så er det nok slik at for dei fleste som stiller seg i køa for å få matkasser så handlar det nok meir om å frigjere pengar til andre ting. Får ein delar av julematen gratis så blir det meir pengar til overs å bruke på andre ting som alkohol, julegåver, og liknande.

Strøm er viktig, men for folk flest så er det vanskeleg å ha eigenberedskap på straumforsyning. Det går ann å ha aggregat og drivstoff, eller solcelleanlegg som ein kan bruke off-grid, men det koster meir enn det smaker for privatpersonar å skaffe seg slike ting berre for å ha det som eigenberedskap. Det viktigaste er å ha ein plan for varme, samt matlaging. I tillegg til at du bør ha batteri og/eller nødladar til lommelykter, radio og liknande. Varmebehovet dekker dei fleste gjennom å ha nok ved eller gassfyrt varmeovn, men det kan også være så enkelt som ein termodress eller tepper. Kler du deg for å være ute på telttur så frys du i alle fall ikkje ihjel sjølv om innetemperaturen blir negativ. Utan å være veldig påståeleg så er det vel langt oftare utfall i vanleg telefondekning enn akkurat nødnummera? Sjølve nødnettet er eit anna nett enn mobilnettet, sjølv om det er også foreslått slått saman. Dagens nødnett og dagens mobilnett deler uansett mykje av dei same svakheitene ved mellom anna uvær ved at sendarane ofte står i same radiomast, så mister telefonmasta straumforsyninga så råkar det også sendaren for nødnett. Det siste "utfallet" på nødnummera var meir ein kapasitetsreduksjon enn det var utfall. Denne feilen råka også andre telefonnummer og gjorde at det tok mange sekund før ein fekk ringesignal når ein skulle ringe. Ei 30 sekunds forsinking med berre stillheit når du prøver å ringe etter ambulanse er uansett 30 sekund for lenge, men alle som ikkje gav opp og la på kom gjennom til slutt. Eg deler din bekymring rundt single point of failure. Vi er særdeles avhengig av straum, og sjølv om det er eit beredskapsråd å ha batterier til DAB radioen i tilfelle straumutfall så er det vanskeleg å ha nok batteri. Ein DAB radio nærmast sluker straum, at radioen er straumtom etter 12 timar er ikkje uvanleg. Samanlikna med gamle FM radioar som kunne stå påskrudd i vekesvis så er det stor forskjell. Ved straumbrot utover nokre få dagar så kan vi ikkje rekne med at det er mogleg å informere befolkninga, det er nok dei færraste som har sine DAB radioar og mobiltelefonar påslått og fulllada på dag 3 ved eit straumbrot. Sjølv flyalarmen (der dei har det) er i dag fjernstyrt via nødnettet, så ved ufall av nødnettsdekning så vil ein heller ikkje kunne aktivere flyalarmen. Og ved manglande kommunikasjon så er det heller ikkje gitt at ein får varsla nokon til å reise ut for å aktivere alarmen manuelt.

Det er litt meir enn å berre parkere toga, det handlar mest om å få losa toga som alt er i fart trygt i hamn på togstasjonen utan at det oppstår ein kollisjon. Ståande instruks er uansett at ved bortfall av signalsystemet så skal alle tog stoppe. Er ellers einig i at det har relativt lite hensikt å ha eit reservesystem om det ikkje skal brukast. Ettersom unskuldninga for å ikkje bruke det var at ein ikkje viste kor lenge feilen kom til å vare så tyder det på at ein ikkje er godt nok trente i å bruke reservesystemet, og at leiinga vurderte det slik at det kanskje var meir tidseffektivt å avvente til feilen var retta framfor å bruke tid på å lese seg opp på eit reservesystem. Det kan sjølvsagt være at reservesystemet er tenkt brukt ved varig utfall av primærsystemet slik at ein då har tid til å sende alle lokkførarane på todagers kurs før ein tek i bruk reservesystemet? Eg heller uansett til at det mest sannsynlege er menneskeleg feil i samband med arbeid på systemet, samt låg bemanning og lite sjefar på jobb ettersom det var helligdag, som gjorde at det tok så lang tid å rette opp i feilen. Om ein framand stat skulle stå bak så virker det veldig rart at ein då ikkje valde andre juledag eller kanskje helst fyrste nyttårsdag, då hadde denne signalfeilen verkeleg gitt konsekvensar. Fyrste juledag er det uansett relativt få reisande, så dei som vart berørt var nok fyrst og fremst dei som skulle på dagstur innom slektningane sine på julebesøk. Det at ein ikkje får vært med på den tradisjonelle fyrste juledagsmiddagen hos tante og onkel er sjølvsagt leit for dei som blir råka, men særleg med til nasjonal konsekvens er det ikkje. Derimot om det er mange som ikkje klarer å møte på jobb til avtalt tid etter jul eller nyttår så gir det heilt andre konsekvensar. Om dette skulle være hackerangrep som ikkje er guttestrekar så må motivet eventuelt være å teste sårbarheita, men det vil være veldig risikabelt ettersom svakheita i systemet nok blir fiksa når ein identifiserer svakheita som mogleggjorde eit hacking angrep.

Trur nok mest på at det er menneskleg feil som ligg bak. Det er ikkje heilt utenkeleg at det kan være hacking, men det er svært lite sannsynleg at det i så fall er ein framand stat som står bak. Er mykje som kan gjerast frå gutterommet itan at det er storpolitikk som ligg bak. Det som overrasker meg er at det ikkje finnes ein B plan. Sjølv om at toga ikkje kan gå ved signalfeil i frykt for at to tog møtes på det same sporet, så kunne ein vel hatt ei prioritering slik at ved signalfeil så er det berre tog A som får gå og ha heile sporet for seg sjølv medan alle andre tog må stå. Å stoppe alle tog er ei nødhandling som ein tek fram til ein får oversikt, men deretter burde det vel gå ann å ha ein plan for kva tog som får gå som normalt og kva tog som må innstillast.

Og det er heilt greit så lenge ein ikkje blander saman kva ein vil finne svaret på. At ein mediterer på korleis ein best mogleg kan lære vekk levereglar er heilt greit, problemet er når ein startar å meditere på vitenskaplege spørsmål, som evolusjonsteorien. Det er langt frå alle som klarer å holde eit slikt skille mellom å forklare den usynlege verdenen og den fysiske. Eg har også nokre betenkelegheiter med enkelte religionars lære om korleis alle andre bør leve, men det er sjølvsagt eit subjektivt spørsmål som det ikkje finnes ein objektiv fasit på, sjølv om ein gjennom religionen prøver å lage ein slik fasit for å kue andre til å ha same verdisyn som seg sjølv.

Største utfordringa til Frp er at dei ikkje har ein politisk plattform som er eigna til å styre landet, det gjer at Frp fekk utfordringar når dei var i regjering, og større problem blir det om Frp utgjer fleirtalet i regjeringa. Frp har nokre tankar om innvandring og økonomi, men Frp må moderere seg kraftig om politikken skal være gjennomførbar i praksis. Der er til dømes ikkje berre å stenge grensene utan å også ha ein plan for korleis ein skal forholde seg til resten av verden når resten av Europa klager over at vi i Norge ikkje tek vår del av dei internasjonale forpliktingane.

Det gjer ikkje meg noko om ein endrar postutleveringa. For min del mottek eg veldig lite brev, så om eg også får hentemelding på SMS/epost når eg var eit brev liggande hos posten så henter eg brevet like enkelt som eg i dag henter pakkar. Faren med postkassa no er at eg ikkje sjekker den kvar dag, og at brev ka bli stjålet frå postkassa utan at eg nødvendigvis merker det. Det blir litt som med dørklokka, alle som kjem på besøk varsler sin adkomst, så dei som ringer på døra uvarsla er stort sett dørselgarar. Nesten all post som er viktig blir eg uansett varsla om, så det er stort sett reklame og andre uviktige ting som blir lagt i postkassa uanmeldt. Dei som treng heimlevering kan velge det som eit tilbod. Då blir det på same måte som ein ved pakkebestilling velger mellom henting på postkontoret og levering på døra. Det er likevel rom for å tenke heilt alternativt. Kanskje i staden for å kutte ut postkassene så kan alternativet være at alle skaffer seg større pakkebokser? Hadde eg hatt ek skikkeleg pakkeboks med lokk så ville eg gjerne hatt fleire av dei mellomstore pakkane levert heim. I dag må eg innom postkontoret nesten uansett fordi det ikkje er plass i postkassa.

Jo det er ganske mykje du kan bestemme sjølv. Også heilt instinktmessig så kan du styre din handlingar utifrå eit overordna overlevingsønske. Sjølv om du kan kan lure sjefsapen i flokken for å få deg eit måltid så kan du reint ovelevingsmessig vurdere om det er betre å gå utan mat i kveld og ha flokken din som vennar, eller om du vil være mett i kveld og risikere å være ut i kulda alle komande kvelder. Dei fleste som er psykisk sjuke er ikkje like sjuke heile tida, dei har også gode dagar. Eit anna moment er også omsynet til dei etterlatte, som fortener å ha ein far i live på psykiatrisk avdeling og ikkje berre ei grav å gå til.

Dette vil nok variere veldig mykje. Om ein får tak i kvalifisert lokal arbeidskraft så bruker ein sjølvsagt det. Om ein ikkje får tak i folk så må ein tilby goder for å tiltrekke seg arbeidstakarar, enten det er høgare lønn eller bolig. Det er likevel relativt vanleg å tilby pendlarbustad for dei som treng det. Det kan likevel være litt ulikheiter i vilkåra, alt frå gratis, delvis subsidiert, til at dei hjelper deg å finne ein bustad du kan leige.

No er dette ei stund sida. Kva som er best og verst ordning blir nok veldig personavhengig. Den store ulempen med ordning 1 er at du alltid er opptatt onsdags ettermiddag/kveld. I tillegg kan det vel ikkje være noko som frivillig vil jobbe kvar fredag til kl 20? Ville nok argumentert med at ei rullering også på kveldsvaktene er det beste forvalle, særleg om det også blir mogleg å bytte internt slik at om du skal eit eller anna på onsdagen der du har seinvakt så kan du bytte med ein kollega. Kor store stillingar er det dykk jobber? Slik eg les det så kjem kveldsvaktbehovet i tillegg til dagskiftet? Eller er det berre snakk om å forskyve arbeidstida denne eine dagen i veka eventuelt kvar fjerde veke? Den openbare løysingar er å tilsette eigne personar til å jobbe kveldsvaktene, men eg forstår at det ikkje går om dykk andre må ned i stillingsprosent for å få det til.

Personinformasjonen kjem automatisk ved at du lager profil. Søknsdsteksten er eit felt for fritekst der du bør skrive litt om kvifor du søker på jobben. Utanom det er det berre snakk om å fylle ut felta det blir spurt om, som å legge til utdanning og arbeidserfaring.

Datoen for å avslutte BSU speler ikkje så stor rolle, forstår det slik at du uansett er for gamal til å få skattefrådraget. Å ta opp lån berre for å ta opp lån er litt unødvendig, det er betre å ente la pengane stå til neste gong du skal skifte bustad, eller bruke pengane på å oppgradere bustaden noko som også gir ei verdiauking på bustaden.

Det vil nok aldri bli heilt likt, sjølv med eit tilbakesteg teknologisk sett så vil vi nok ikkje få akkurat slik viktoriansk teknologi og ingenting anna. Det er egentlig nesten slik folk som drar på hytta utan innlagt straum lever om dei ikkje tek med mobilen og anna høgteknologi.

Kjem veldig ann på metode. Å grave tunnel under havet blir veldig likt som å gjere det på land. Det er veldig mykje meir teknologisk krevande med gruvedrift under vann. Den mest rasjonelle måten er nok å sprenge opp havbotnen til lausmasser og deretter ta ut mineralane, men det vil sjølvsagt ikkje være særleg skånsomt for miljøet.

Den kostnaden kan du spare ved å gjere jobben sjølv. Skilting med vilkåra for parkering slepp du ikkje unna, men burettslaget ved styret kan registrere seg i parkeringsregisterert. Dei øvrige krava følger av parkeringsforskriften https://lovdata.no/dokument/SF/forskrift/2016-03-18-260 Styret kan sjølv kreve inn kontrollsanksjon ved brot på parkeringsreglane, merk då at det er regulert i forskrifta at kontrollsanksjonen må være på 660 kr. Forskrifta omtalar også korleis eventuel borttauing skal skje. Det er sjølvsagt enklare å gi oppdraget til eit parkeringsselskap, men det er ikkje nødvendig om styret har nokon som kan ta på seg jobben. Er det forresten ønskeleg og praktisk mogleg å tilpasse parkeringsområdet slik at det blir til det beste for alle? Dersom det er fysisk plass til å sette frå seg ein bil foran døra utan at det hindrer barnevogner og rullestolar så er det ikkje nødvendigvis så dumt å opprette ein korttidsplass av typen maks 15 minutt for dei som skal hente eller levere noko. Då blir også den fordelen med å kunne sette fra seg bilen ei lita stund bli fritt tilgjengeleg til alle i burettslaget og ikkje berre han som tek seg til rette.