The Avatar

Ser i avisen at det er eit pågåande problem med parkering ved motorvegen inn til Gardemoen, seinast i dag: https://www.vg.no/nyheter/i/yE5OOa/politiet-folk-parkerer-fortsatt-langs-e16 Eg forstår at det er både ulovleg og farleg å parkere langs motorvegen, både fordi det er eksplisitt forbode å parkere på motorveg eller på inn/utkøyring til motorveg, i tillegg til den generelle regelen om at det ikkje er lov å parkere i køyrebana på forkjørsveg med fartsgrense over 50 km/t. Så dei bilstane som parkerer langs vegen må sjølvsagt bøtleggast og jagast vekk. Det eg ikkje heilt forstår er kva det hjelp at politiet rykker ut for å stenge rasteplassen? Det er jo det beste alternativet at billistane stopper/parkerer på ein rasteplass. Sjølv når rasteplassen er fullstendig full av bilar så fungerer vel rasteplassen slik som alle andre rasteplassar at ein svinger av motorvegen, køyrer inn på rasteplassen, og om det ikkje er ledig parkeringsplass så fortsetter ein gjennom rasteplassen og utigjen på motorvegen? Så kva er greia med at fyrstetiltaket er å stenge rasteplassen? Dersom det fyrst står masse bilar på vegskuldra eller vegbana langs motorvegen og lagar farlege situasjonar så bør vell fyrste sikringstiltaket være å stenge motorvegen forbi der det står masse parkerte bilar, eventuelt midlertidig sette ned fartsgrensa fram til ein får jaga dei parkerte bilane inn på rasteplassen der det er trygt å parkere? Eller driv bilistane med ein form for farleg idioti som VG ikkje klarer å formidle på ein god måte når dei skriv nok ein artikkel om at politiet rykker ut for å stenge rasteplassen?

Batteriet kan i liten grad reparerast. Får du ein skade på batteriet så er det utskifting som er alternativet, blant anna fordi ein ikkje vil ta risikoen på at andre celler også har ein skade. Sjølv om ein i teorien kan bytte ut enkeltceller så vil nok ikkje det lønne seg. Til alle praktiske formål så kan du ansjå batteriet som ein del du bytter ut, ikkje reparerer.

Med full tank så er det minst mogleg luft (med luftfuktigheit) i tanken. Det er då mindre fuktigheit som kan kondensere til vatn og skape problem. Som nemnt så har ein prøvd å eliminere dette problemet på nye bilar som er berekna på E10 bensin, men det er nok likevel eot godt råd å ha toppa tanken etter køyring. Tom tank gir meir luft som kan kondensere og mindre bensin som kondensen kan blandast ut i.

Å kjøpe rett frå produsenten skal være heilt uproblematisk. Det einaste som kan være ein fordel med å kjøpe frå ein annan forhandlar er at du som kunde så kan du reklamere både mot selgaren og mot tidlegare salgsledd som i dette tilfellet er Lenovo. Ved å handle direkte frå Lenovo så har du berre eit ledd du kan rette reklamasjon mot, ikkje at det skal være eit problem men i enkelt etilfeller så kan det være enklare å få gjennom ein reklamasjon gjennom ein lokal forhandlar enn det er å reklamere mot produsenten. Eg tenker at denne "ulempen" er så liten at du kan sjå heilt vekk frå det, men om det er ingen eller veldig liten prisforskjell så gir det ingen ekstra fordelar å handle direkte frå produsenten.

Dette er også ein måte å tilføre verdi til produktet. Det er nok mange som synes det er ekstra spennande å kjøpe ting som ein har fått sett produksjonen av og dermed har fått ei tilknytting til. Kanskje du skal prøve å selge bestillingsverk? Altså at kunden seier kva dei vil ha og korleis det skal sjå ut, og så produserer du bestillinga live?

Tenker også at ein ny bil i dag må ha støtte for Android Auto / CarPlay slik at du kan bruke mobiltelefonen til både internett og apper. Eg er klar over at dei beste appane til CarPlay / Android Auto ofte er betalingsappar så det er ikkje nødvendigvis 100% gratis med dei beste kjøyre-appane, men du får i det minste større valgfriheit. Med slik tilkopling kan du også vurdere å ha ein dedikert bil-telefon tilkopla om du ikkje vil bruke din eigen mobiltelefon eller det er fleire brukarar av bilen. Aller helst bør bil-skjermen også ha meir universiell tilkopling som HDMI/USB slik at ein har full valgfriheit på korleis ein vil bruke skjermen.

Har prøvd det også, har til og med smykketang som bevis. Har drevet med dette ,est i samband med å instruere på juleverksted og liknande. Har aldri laga smykker til meg sjølv, men alt slik pirkearbeid som perling, sying og maling fell meg ganske naturleg.

Det måtte i alle fall vært eit eller anna spesielt med smykka. Det er tross alt verken særleg dyrt, tidkrevande eller vanskeleg å kjøpe perler og lage slike smykker sjølv, og då har eg også gleden av hobbyaktiviteten. Det kan ikkje være veldig mange som ikkje har tid eller evne til å lage slike smykker sjølv og dermed foretrekker å kjøpe ferdige smykker. For min del så må smykka ha eit eller anna som eg ikkje sjølv kan lage med den tida, evnene eller utstyret eg sjølv har tilgjengeleg. Eg klarer å stikke innom hobbybutikken for å kjøpe perler eg kan tre på ei snor, men eg har ikkje utstyr til å lage smykker med metalldetaljer som smykkelås, det må eg nok kjøpe frå nokon. Eg kjøper f.eks. gjerne heimestikka klesplagg. Stikking verken kan eg eller har tolmodigheit til å lære meg. Så det blir ikkje aktuelt for meg å stikke meg ullsokkar, det må eg få nokon andre til å gjere for meg.

Nei ikkje kaste dei, demontere slik at du får frigjort perlene til å lage noko anna. Eventuelt demontere smykka slik at du kan selge perlene til nokon andre som vil lage smykker, og så bruker du disse pengane til å kjøpe nye og meir spennande perler.

Eg kan aldri sjå for meg at det har vært intensjonen at same studenten skal ta fleire utdanningar samtidig. Det kan sikkert stemme at det finnes nokre få tilfeller der ein lege med juridisk kompetanse er nyttig, men det må være ytterst få. Det er større fare for at den same studenten okkuperer to studieplassar og uansett berre kjem til å bruke den eine av to utdanningar, om vedkommande tek seg jobb som advokat så er det vekkasta skattekroner å ha utdanna vedkommande også til lege. Realistisk sett så er det vel også ein mykje større fare for at sluttresultatet blir ein student med to vitnemål som begge er dominert av dårlege karakterar?

Merk at det er to måter å sjå på det. På den eine sida kan ein seie at dette er lureri for å få deg til å betale ekstra mykje etter å ha kjøpt bilen, men du kan også sjå det slik som at du slepp å betale for masse funksjonar du ikkje bruker i form av ein høgare kjøpspris. Det som er viktig er at du tenker over kva funksjonar som du er interessert i å ha, det er sjølvsagt heilt unødvendig å betale eit årleg gebyr for funksjonar som du uansett ikkje bruker. Bilalarm er for veldig mange berre ei plage og til ingen nytte ettersom det uansestt ikkje er nokon som bryr seg om ein bilalarm som er utløyst, einaste fordelen med bilalarm er om du får billegare forsikring fordi du har alarm, men då får du berre samanlikne om rabatten på forsikringa gjer opp for å betale ekstra for å ha bilalarm. Fjernstyring av varme er ein "kjekt å ha" funksjon som gir god komfort, men som du heilt fint klarer deg utan. Navigasjonspakken kan være kjekk å ha, men samtidig har dei aller fleste bilar moglegheit for å kople til mobiltelefonen slik at du kan bruke Google Maps eller anna app som navigasjon. Det einaste eg her synes er å rekne som lureri er når bilprodusenten installerer mykje dyrt ekstrautstyr som du uansett må betale for når du kjøper bilen, og så blir du i tillegg avkrevd gebyr for å kunne slå på navigasjonsskjermen eller aktivere varmetrådane i setet. Men tenester som oppdatert navigasjon, eCall og liknande tenester som krever at bilen er online ser eg ikkje eit stort problem med at ein må betale litt for. Det å betale for at bilen skal være online er også ein slags garanti for at bilprodusenten kjem til å oppretthalde tilbodet. Faren med å kjøpe bil som har "gratis" online tenester er at produsenten kan finne på å legge ned onlinetenestene etter nokre år.

Omrekna til ei 100% stilling så betyr det at månedslønna er 55 000 kr, som då utgjer ei årslønn på 660 000 kr. I følgje statistisk sentralbyrå så er gjennomsnittslønna i Norge 56 360 kr i måneden (siste telling i november 2023). Så lønna du har fått tilbod om ligg eigentleg heilt på det som ein gjennomsnittleg norsk arbeidar tener. Dersom du er ung og utan utdanning så er dette veldig godt betalt. Dersom du har doktorgrad i økonomi og 40 års arbeidserfaring så er det ganske dårleg betalt. Til samanlikning så har du same lønn som det som ein kommunalt tilsatt lektor med tilleggsutdanning og 8 års ansiennitet. Som nytilsett industriarbeidar i privat sektor utan erfaring og som følger tarifflønn så ville årslønna vært litt under 400 000 kr i året. Ein nytilsett sivilingeniør kan i følgje NITO forvente ei årslønn på 646 000 kr i året i privat sektor. Eg ser også på SSB at ein gjennomsnittleg servitør i full stilling har 34 820 kr i måneden (2023 tal), du får omtrent det same sjølv om du berre jobbar 60%. Så sjølv om du berre jobbar 60% stilling så får du omtrent det same i lønn som det som er gjennomsnittslønna i eit lavtlønnsyrke.

Er det nødvendig å ta vare på alt du har laga? Sidan målet ditt er å få solgt smykka så vil du openbart bli kvitt smykka. Eg forstår at det kan være demotiverande, men har du vurdert å i staden demontere smykka for å lage nye? Hobby-aktiviteten ligg vel i det å sitte å lage smykker og ikkje det å drive butikk? Ettersom du fotograferer alt du lager så har du jo eit minne av det du har laga før. Ved å lage smykker, demontere dei, og starte på nytt så får du meir øving og kan kanskje klare å lage finare og meir avanserte smykker neste gong? Om du er lei dei perlene du har, så kan du til og med demontere smykka, sortere perlene og selge perlene vidare til andre som har smykkeproduksjon som hobby. Dette vil du sjølvsagt gå i tap på sidan du må selge perlene for ein lågare pris enn du kjøpte for, men samanlikna med mange andre hobbyar så blir det likevel ein billig hobby når du får tilbake litt av det du har investert. Det kostar å ha ein hobby, og utan at eg har noko konkrete tal å vise til så er eg sikker på at det ikkje er uvanleg å bruke 1000 kr i måneden på hobbyen sin, enten ein har som hobby å kjøpe samlekort, garn eller fiskeutstyr. Det er berre veldig få som har inntekt på hobbyen sin (dei fleste bruker ein formue på å kjøpe mumikoppar, frimerker og liknande samleobjekt og lurer seg sjølv til å tru at ein seinare kan selge samlinga til store summar). Så kanskje du enkelt og greitt skal gi opp tanken om å ha ein hobby som gir ekstrainntekt og i staden satse på å ha ein hobbyaktivitet som ikkje kostar så mykje å drive med?

Underbemanning er omtrent normalsituasjonen, så når det er ferieavvikling så blir det enda færre på jobb. Får ein då i tillegg sjukefråvær så havner ein fort under minstebemanninga. Når kapasiteten blir for liten så blir det tatt harde prioriteringar. Helsenorge stoppar ikkje opp om sommaren, men mykje av arbeidet som ikkje er kritisk stansar nærmast heilt opp. Etterkontroll etter kreftsjukdom er nok fort ei av arbeidsoppgåvene som radiologen ikkje prioriterer. I tillegg så vil eg tru at at ein vurderer behovet for å få eit raskt svar frå ein tilfeldig lege som ikkje kjenner pasienten opp mot at legen som kjenner pasienten er den som ser på rapporten. Det er litt større sjans for at kvaliteten på svaret blir dårlegare om det er ein tilfeldig lege som gir svaret. Det som er heilt uproblematisk for dei fleste pasientar kan ha ein heilt anna betydning for ein pasienten som har ein spesiell sjukdomshistorikk. Ein fastlege som kjenner heile historikken til pasienten vil kunne oppdage ting som ferievikaren har oversett. Det er eigentleg same utfordringa i omtrent alle næringar, men det merkest sjølvsagt betre når det gjeld lang ventetid på svar etter ei helseundersøkingar enn det merkes at det tek lang tid før du får svar frå kunderådgivaren i lokalbanken din. Kva er eigentleg normal ventetid på svar etter CT undersøking? Det er vel fort mange veker sjølv ved vanleg bemanning?

Forstår at det er lett å bli forvirra, eg opplever at mykje av informasjonen som blir gitt er litt tvetydig. No merker ein emballasjen med best før dato, og med påskrifta "ofte god etter" for å oppfordre folk til å ikkje kaste maten ukritisk. Samtidig så er det litt rart at ein då skriv på juice kartongen at den er holdbar i fem dagar i kjøleskap, eller at det på syltetøyet står at holdbarheita er 1 måned etter opning. Appelsinjuice tolker å stå vesentleg mykje lenger enn berre fem dagar i kjøleskap etter opning, så eg opplever det som veldig strengt. Samtidig har vi veldig høg matvaresikkerheit her i landet. Veldig mykje av maten som har ein siste forbruksdag har fått ei slik merking fordi det kan være farleg å ete maten etter denne datoen. Det sagt så opplever eg at sikkerheitsmarginen er ofte svært god. Om kjøttdeigen kan brukast nokre dagar etter siste forbruksdag kjem veldig ann på kor godt den har vært oppbevart og på kva temperatur. Samtidig så forstår eg at ein er strenge på å sette site forbruksdag ettersom ein del av giftstoffa som kan utvikle seg i maten ikkje nødvednigvis skaper dårleg smak og dermed er vanskeleg å oppdage for vanlege forbrukarar. Grunnen til at mange berre skjærer av "blomsten" på ein muggen ost er jo fordi at osten som ikkje er grønn smaker heilt greit, men av omsyn til matvaresikkerheita så skal ein kaste muggen ost, eventuelt skjære vekk mange centimeter slik at ein er sikker på å få bort "røttene" frå muggen som går lengre inn i osten. Det kan derfor rett og slett være vanskeleg å navigere mellom omsynet til at ein skal være 100% sikker på at maten ikkje har helsefarlege mikroorganismer som ein ikkje nødvendigvis kan smake, samtidig som ein av omsyn til både miljø og økonomi bør unngå å kaste mat som er heilt i orden. (Og ekstra trøblete blir det når ein har sterkt fokus på å bekjempe matsvinn og ikkje kaste mat, samtidig som at den aller største helseutfordringa for befolkninga er fedme. Sånn sett er det ikkje nødvendigvis så lurt å gaffle i seg siste poteten på tallerkenen som alternativ til å kaste poteten).

Papp-hermetikken skal ha omtrent same holdbarheit som metall-hermetikk, det at ein kunne gå over til papp utan at kvaliteten vart vesentleg dårlegare var ein av grunnane til at det vart aktuelt å endre hermetikken. Einaste ulempane med papp-hermetikk er at det er litt større fare for mislykka hermetisering ved produksjonen, men det blir vanlegvis fanga opp av kvalitetskontrollen før produktet havnar i butikken. Den andre ulempen er at papp-hermetikk er enklare å punktere om du mister den i gulvet eller har den i tursekken saman med skarpe gjenstandar. Men ettersom dei aller fleste oppbevarer hermetikken i kjøkkenskapet så skal det ikkje medføre særleg med ulemper for vanlege forbrukarar. Fordelane med papp-hermetikk er at det er billegare, enklare å opne, og at emballasjen er lett å trykke flat og levere til resirkulering.

Forstår at det ikkje er fristande å investere meir i businessen før du får salg til å finansiere det. Eg vil likevel nemne at dersom du investerer i å kjøpe stein og då får grei omsetting, så blir det også lettare å selge det du har produsert til no etter at du har fått etablert "varemerket" ditt.

Er einig, men det er vanskeleg. Veldig mykje er likevel å ansjå som standarisert i reiseforsikringane, slik som avbestillingar, stjålet bagasje, osv. Der ligg forskjellane stort sett på beløpsgrenser. Det ein kanskje burde gjort er å få Finans Norge (som er ein interesseorganisasjon for forsikringsselskapa) er å lage ein forsikringsmal der forsikringsselskapet krysser av på ja eller nei på spørsmål om dekning. På den måten hadde same forsikringsforhold stått på same stad i alle dokument, og det hadde vært lettare å samanlikne forsikringsdekning på tvers av forsikringsselskapa. Den store ulempen med ei slik standarisert forsikringsdokument er at det då er lite attraktivt for forsikringsselskapet å tilby dekning som ikkje er omtalt i malen, sidan slike tilleggsfordelar blir lite synlege for kunden. I tillegg er det nok slik at forsikringsselskapa vil ha full råderett til å justere forsikringsvilkår og pris. Ei forsikring som dekker skader ved bevistheitstap vil naturleg nok koste meir enn ei forsikring som ikkje gjeld bevistheitstap, og sidan dette er ein skade som gjeld veldig få så kan det være attraktivt å ikkje dekke slike skadar og heller annonsere reiseforsikringa til ein lågare pris. Eg trur også at forsikringsselskapa heilt bevist vil unngå direkte samanlikning, på den måten kan alle forsikringsselskapa påstå at dei har den beste dekninga av alle forsikringsselskap, alt etter om dei i markedsføringa vektlegg ein type skade, kva som er maks forsikringsutbetaling, osv. Googler du "norges beste innboforsikring" så får du opp artiklar frå samtlege forsikringsselskap som alle hevder å ha den beste forikringa. Ei "idiotforsikring" som gir full dekning på alt frå skader etter strikkhopp i fylla til at hotellet du bur på vart stengt etter at hotelldirektøren vart arrestert, vil sjølvsagt også bli ei veldig dyr forsikring. Og mange tenker nok at det å betale unødvendig mykje for at andre kundar skal kunne drive ekstremsport med full forsikringsdekning, og vil heller ha ei litt billegare forsikring som er meir tilpassa dei aktivitetane ein sjølv driv med på ferie. Det sagt så trur eg at forsikringsselskapa hadde kunne tent mykje på å tilby meir dynamiske forsikringsordningar. Ofte har tilbyr ein berre vanleg reiseforsikring, og eventuelt ei reiseforsikring pluss/premium/ekstra. Folk har ulike forsikringsbehov og burde fått lov til å velge og vrake i kva ein vil ha dekning for. Mange kunne nok fått billegare reiseforsikring om dei kunne velge vekk ting som dekning av eigenandel ved skade på leigebil. Om ein ikkje leiger bil eller kanskje ikkje ein gong har førerkort så er ei slik dekning heilt unødvendig. Tilsvarande med reiseforsikring som dekker rettshjelp, dette er nok ikkje den fyrste forsikringsdekninga ein bør spare pengar på etterom ein rettstvist fort blir veldig dyrt om du er uheldig men samtidig er det nok mange som har tilsvarande dekning gjennom andre forsikringar enn reiseforsikringa og dermed ikkje trenger å betale dobbelt opp.

Du må passe på at du har logga ut av alle tenester der du er innlogga. Facebook er berre ei av tenestene, også epost og andre sosiale media bør du logge ut frå. Husk også å slette passord som er lagra i nettlesaren. Det enkaste og raskaste er å slette all nettlesarhistorikk. Bruker du Google Chrome så kan du gjere dette ved å trykke på dei tre prikkane oppe i høgre hjørne og velg "slett nettlesingsdata". Husk å velge "alle datoer" i menyen som heiter tidsperiode. Det sikraste er å slette alt, men det nok å slette informasjonskapslane og passord for å hindre at den du låner vekk PCen til kjem rett inn på sidene innlogga som deg. Av omsyn til personvernet så ville eg likevel også sletta heile loggen. Dersom utlånet er midlertidig så kan du også vurdere å ta ein backup av innstillingar og historikk før du sletter, på den måten kan du gjennopprette sidehistorikken din til slik den var før du lånte ut PCen. Husk også å gjere det same om du er innlogga via andre nettlesarar som er installert, som til dømes Microsoft Edge, Firefox, Opera, osv.

Økologisk sukker betyr berre at råvaren som blir brukt i sukkerproduksjonen er økologisk dyrka, altså at det ikkje er nytta kunstgjødsel eller sprøytemidlar. Sjølve sukkeret blir rafinert på same måte som vanleg sukker. Når ein lagar syltetøy så medfører det at ein prosesserer bær til eit nytt produkt, heimelaga syltetøy er ikkje ultraprosessert, men det er heilt klart prosessert. Det beste alternativet er å ete frukt og bær som slik som dei er utan vidare bearbeiding, og dermed kutte all ekstra søtning. Jordbæra blir sjølvsagt mindre sunne når du moser dei og blander inn sukker og frysepulver (for å gjere blandinga tjukkare). At syltetøyet er mindre sunt enn råvaren er likevel prisen du betalar for å betre holdbarheita. Ferske jordbær blir fort dårlege om du ikkje behandlar dei. Brunt sukker er heilt vanleg sukker, einaste forskjellen er at melassen (den brune væska) ikkje er fjerna under sukkerrafineringa. Melassen er også sukker, det er berre at den ofte blir fjerna fordi ein ofte vil ha reint kvitt sukker. Det er som med purreløken, alt er purreløk men til enkelte rettar vil ein ha berre det grøne, i andre berre den kvite delen, og i andre rettar hakkar ein opp og bruker heile purreløken. Ernæringsmessig er forskjellen minimal, forskjellen ligg i tekstur og kor kraftig smaken er. Kvitt sukker er i praksis utan smak, melassen kan ha ein liten smak av planta som er brukt til sukkerproduksjonen, så til enkelte ting så er brunt sukker å foretrekke fordi det har ein liten smak utanom å berre være søtt, som til dømes i kandissukker.

Arbeidstilsynet kan berre ta tak i saker som skuldast brot på lov eller forskrift. Altså forhold som at arbeidsavtalen har ulovlege vilkår, at du manglar verneutstyr, har for mange arbeidstimar, får ikkje pause, får ikkje lønna du skal ha, osv. Måten arbeidet blir organisert og utført på er i utgangspunktet ein intern sak mellom arbeidsgivar og arbeidstakar. I ditt tilfelle så har du ein sak angåande utbetaling av feriepengar, men så lenge du får feriepengane utbetalt sjølv om det er for seint så er det lite arbeidstilsynet kan gjere reint praktisk utanom å gi arbeidsgivar ein peikefinger på korleis det skal være. Eit brev frå arbeidstilsynet vil nok i liten grad bidra til å rydde opp i det som er ditt problem. Det som er viktig for deg å gjere er å sette deg nøye inn i kva som er avtalt i arbeidsavtalen, deretter kva som finnes av arbeidsreglement og rutiner. Du vil vanlegvis ikkje ha rett til å få dekt kostnader til pendling og parkering (det er likevel rettspraksis på at endra arbeidsstad som ligg meir enn 30 km unna er ein så vesentleg endring av arbeidet at det krever samtykke frå arbeidstakaren, eller at ein må ha ei endringsoppseiing der ein avtalar nye vilkår). Det sagt så er det fint mogleg å gjere nye avtalar i slike tilfeller der arbeidsgivar har behov for ein vikar på kort varsel. Det vil nok ikkje være urimeleg å seie ja til ekstraarbeidet på vilkår om at du får dekt reisekostnadar, og at du starter å skrive timar frå oppmøte på din vanlege arbeidsplass slik at du får betalt for reisetida. Du treng ikkje nødvendigvis å takke ja til å ta på deg ekstraarbeidet på vanlege lønnsvilkår. Merk at det også finnes tilfeller der arbeidsgivar kan kreve at du stiller opp, som når det på grunn av uføresette hendingar er fare for skade på eigedom. Vanleg sjukdom på den einaste reinhaldaren er dog ikkje uføresett. Og til slutt så vil eg legge til at det er også avgrensa kor mykje av det praktiske du skal bry deg om. Etter at du har sagt ja til å ta på deg denne ekstra vaskejobben, og du har informert om at du manglar nøkkel, så har du gjort din del. Ditt ansvar vidare er å møte opp til avtalt tid og gjere jobben. Er døra låst slik at du ikkje får gjort noko produktivt så er det eigentleg arbeidsgivar sitt problem, du har oppfylt din del av arbeidsforpliktinga ved å stille din tid til disposisjon. Dersom du får delegert jobben med å finne ut kven som har nøkkel og deretter reise for å hente nøkkelen (samt tilbakelevering) så er dette pålagt arbeid som du klart er arbeidstid, og som du då skal ha betalt for.

Kjenner ikkje til detaljane her på forumet, men ettersom "post count" er deaktivert i off-topic så ville det gitt meining at innlegg der heller ikkje teller for at nye brukarar skal få poste fleire innlegg per dag?

Einaste løysinga eg har funnet er at dersom du refresher sida så får du opp eit spørsmål om du vil gjenopprette innlegget du starta på. Dersom eg velger å tømme loggen så kan eg starte heilt på nytt med å skrive innlegg. Dette er nok i bunn og grunn same utfordringa ved at det på mobil ikkje er mogleg å flytte siteringsboksa, som til dømes om du vil skrive tekst over siteringsboksa. Savner muligheita til å formatere sitering manuelt med

Har forsikring gjennom Tryg. Blir veldig usikker når eg les vilkåra. For meg vil ikkje tap av bevistheit være ulykkesskade ettersom det ikkje er ei ytre hending. Samtidig ser det ikkje ut til å være tilsvarande krav for at behandlingsutgiftene skal bli dekka. Eg forstår ikkje heilt kva det betyr i praksis om eg svimer av og tryner i asfalten. Eg får då ikkje erstatning for kroppsskaden, men eg får dekt behandling samt for evt. funksjonsnedsetting?

Usikker, for å sette opp prisen så bør du ha litt meir rundt produktet som gir tilleggsverdi, som til dømes at det er brukt lokale steinar eller liknande. Å sette ned prisen er eg ganske sikker på vil være ulønnsomt sidan du har forholdsvis store råvarekostnadar, og i tillegg skal du ha litt for arbeidet du legg ned. Du kan sjølvsagt vurdere å ha ein kampanje der du selg med tap for å få omsetting, men dette vil kunne slå tilbake ved at kundane forventer at prisane skal holde seg der. Slike kampanjer bør du vente med til du er godt i gang med salg, og så ha ein slik billig kampanje for å prøve å vekse. Konklusjonen min er eigentleg at du enten må prøve å skaffe billegare perler (kanskje du kan kjøpe i bulk?), eller gå motsatt veg med meir eksklusive råvarer, enten det er å kjøpe krystaller og slikt, eller det er å bearbeide lokale råvarer. Spørs kanskje om du skal vurdere å kjøpe trommelsliper, samt ein steinbor. Då kan du polere småstein og lage smykker av det.