The Avatar

Grafisk stil er sjølvsagt ein smakssak, personleg så hadde eg foretrukket ein enda enklare retrografikk. Sjølv om ein tek sikte på nostalgien til Doom og Quake spela så hadde eg foretrukket om også våpen og UI holdt same grafikkstil. Då hadde ein lettare fått følelsen av at ein har tørka støvet av ein 90-/00-tals klassiker i staden for å framstå som ein hybrid. Det sagt så er retro 3D grafikk noko av det vanskelegaste ein kan prøve seg på, det er ein grunn til at veldig mange indie spelutviklarar går for pixel grafikk som er mykje lettare å få til gjennomført gjennom heile spelet. Eg trur også at dette spelet hadde hatt godt av ein modus utan gore og andre distraksjonar på skjermen, då hadde spelet vært ein ypperleg kandidat for e-sport med klassisk FPS stil berre i litt meir moderne drakt.

Du har rett til eit fullt ut forsvarleg arbeidsmiljø. Rektor/kommunen har etter arbeidsmiljølova plikt til å gjere tiltak for å forhindre uheldige fysisk og psykisk påkjenningar, herunder å vurdere om det er arbeidsmiljømessig forsvarleg med åleinearbeid. Det som er vanskeleg i skuleverket er at etter den nye opplæringslova så har skulen ei aktivitetsplikt for å ivareta skulemiljøet til elevane, heriblant at rektor har ei plikt til å iverksette tiltak og rapportere til skuleleiinga dersom det er mistanke om at ein elev blir krenka av ein lærar etter § 12-5 i opplæringslova. Dersom rektor/kommunen ikkje følgjer opp saka tilstrekkeleg så går den vidare til Statsforvaltaren som kan ilegge skule tvangsmulkt til tiltaka er gjennomført. Når rektor står i skvisen mellom å følgje opp elevens rettigheiter opp mot plikta til å ivareta ditt arbeidsmiljø, så ser vi i praksis at læraren sine rettigheiter blir satt til sides. Det beste rådet mitt er at når du melder inn dette som avvik så presiserer du at avviket gjeld kritikkverdige forhold i verksemda, og at du har rollen som varslar etter arbeidsmiljølova. Då presiserer du at arbeidsgivar/rektor har eit særskilt ansvar for å følgje opp varslet innan rimeleg tid, og at det skal særskilt påsjåast at du som varslar har eit fullt forsvarleg arbeidsmiljø, og at det blir iverksatt tiltak som førebygger gjengjeldingar mot deg som varslar. Det overordna problemet er likevel at rektor har to motstridande regelverk å forholde seg til, og ettersom det har vært så sterkt fokus på mobbesaker der kommunen har blitt dømt til å betale erstatning til elevar så blir ditt krav på arbeidsmiljø satt til sides.

Kor viktig er det eigentleg å stramme til med rett moment? Poenget er vel berre at ein skal stramme godt nok til at mutter/bolt ikkje løsner under køyring, samtidig som at ein må påsjå å ikkje stramme med så mykje kraft at du øydelegg gjengane. Sjølv ved bruk av momentnøkkel så må ein jo uansett gå over for å kontrollere/etterstramme etterpå? Eg forstår at det sjølvsagt er lett å stramme for hard særleg dersom ein strammar med latmannsarm. Men sitt bolt/mutter så hardt at du må bruke latmannsarm eller må hoppe på hjulkrysset for å få av dekket så bruker ein jo openbart for mykje moment når ein strammer til.

Det er ein litt ond sirkel. Dagens bilar kan ein jo knappast nok gjere noko som helst med sjøl, berre det å bytte lyspære kan fort ende opp med at du må demontere halve bilen. På mange bilar er det einaste du kjem til under panseret påfyllinga for spylervæske. Når det ikkje lenger er ein kjapp reparasjon å stikke innom bensinstasjonen for å kjøpe ei lyspære eller ei reim som du bytter på 5 min ute på parkeringsplassen, så blir det også færre som kjøper slike bildelar på bensinstasjon, som igjen gjer at det er mindre aktuelt for bensinstasjonar å selge slikt utstyr. Sidan reprasjonar i dag ofte må planleggast så har nettbutikkar samt eigne utslag for bildelar tatt over markedet. Det blir rett og slett for dyrt å betale bensinstasjonsprisar når reparasjonen uansett kjem til å ta lang tid. Eg vil tru at det er berre eit spørsmål om tid før også bilhjula blir utstyrt med bolt/mutter som krever spesialutstyr for å skru ut, slik vi alle må på godkjente verksted for å bytte hjul. Statens Vegvesen har definert at arbeid med dekk og hjul er såpass viktig for trafikksikkerheita at det krevs løyve frå vegvesenet å få drive med slikt verksted. Då vil eg tru at det er heilt på nåde at vi som privatpersonar får lov til å tukle med så trafikkritiske ting som hjul. Det fyrste som kjem er nok eit forbod mot å skifte dekk på køyretøy som du ikkje er registrert eigar av for å på den måten få slutt på at folk hjelper svigermor eller naboen med å skifte hjul utan å ha søkt til Statens Vegvesen om løyve.

Korleis du ser ut er ikkje farlig med. Den aller viktigaste årsak bak slik kvardagsrasisme du opplever i samband med jobbsøknad er at mange arbeidsgivarar er redde for å tilsette nokon som snakker/skriver dårlig norsk. Det handler ofte ikkje om hudfarge og klesstil, men på språkferdigheiter. Grunnen til at ein ikkje blit innkalla til intervju dersom du har eit utanlandsk namn er at arbeidsgivaren er for feig/konfliktsky til å sette av tid til å finne ut av dette gjennom å snakke med søkaren. Då er det tryggare å kalle inn Ole Johansen som med høg sannsynlegheit knappast har vært i utlandet på ferie. I ein ideell verden så burde rekrutteraren sjå på kva kandidaten har oppgitt av språkkompetanse, problemet er i praksis at veldig mange jobbsøkerportalar har ein svært avgrensa skala, ofte berre med valga: flytande, godt, grunnleggende. Når dei fleste også overdriver sin språkkompetanse (ein er trossa alt ute etter å framstille seg så godt at ein får jobben) så medfører det at ein i praksis ikkje kan stole på at kandidaten som oppgir å kunne flytande norsk og engelsk faktisk kan språka så godt som påstått. Ein enkel måte å kome i forkant av slik diskriminering er enkelt og greit å ta kontakt med arbeidsgivaren mot slutten av søknadsfristen slik at du kan vise fram dine språklege ferdigheiter. Det kan også være aktuelt å adressere temaet direkte i søknadsteksten, ved blant anna å skrive litt om nettopp namnet ditt, bakgrunnen din, kor lenge du har budd i Norge, osv. Også det å skrive litt om kvar i Norge du bur og har budd kan være ein fin måte å fortelle litt meir om deg sjølv på. Sjølv om det ikkje eigentleg skal ha betydning kvar du bur og har budd, så påvirker det litt arbeidsgivaren dersom du viser til at du har ei lokal tilknytting til området der jobben ligger, særleg dersom arbeidsplassen ligg eit lite stykke frå din bustadadresse. Dersom du er innvandrar så kan det være til god hjelp om du skriv litt om kor lenge du har budd i det aktuelle nærområdet, eller om du eventuelt har budd andre stadar i landet før. Husk at det er ikkje alle arbeidsgivarar som er like flinke til å lese jobbsøknadane godt, men det er enda færre som ringer jobbsøkaren for å få utfyllande informasjon, så dersom det er ting som arbeidsgivar burde vite om deg så er det viktig å få det i søknadsteksten.

I dag er det slik. På min fyrste golf var den medfølgande jekken rikeleg nok sidan bilen var så lett og eg ikkje tok snarvegen ved å løfte to dekk om gongen slik at bilen vart ustabil. Med dagens biler er ein slik jekk ikkje ein gong brukandes til nødbruk (med mindre du har så flaks at du punkterer på heilt flatt betonggolv slik at jekken er stødig. Ein jekk som er så farleg at den berre kan brukast til nødbruk er i alle fall ikkje trygg å bruke i nødsfall. Det ligg i sakens natur at den dagen du treng "nødjekken" så befinner du deg i ein grøftekant med underlag av laus grus, og gjerne i regnver om natta også. Før var jekken meint for å brukast, men etterkvart som bilane vart tyngre så ville ikkje produsentane lenger gå god for at jekken var sterk nok.

Mange bilar har berre ei sprayflaske med tetteskum og ingen kompressor. Nødløysinga er då at du køyrer på eit dekk som er fylt med "byggskum" I staden for luft. Kompressor i tillegg slik at du fyrst tetter punkteringa og deretter fyller hjulet med rett trykk er sjølvsagt beste løysinga men ofte forbeholdt dei dyrare modellane.

Det er fleire måtar å sjå på denne saka, og det avgjerande spørsmålet er kva som er raskt nok. Det er ikkje heilt utenkeleg at ein utleigar kan ha rett i at det er innafor det som er raskt nok å bruke oppseiingstida på å finne tak i ny leigetakar på grunnlag av at det er ein grun til at ein har avtalt tre månadars oppseiingstid. Det sagt så er det også eit spørsmål om kva som er realistisk tid for å få tak i ny leigetakar. Der det er press på leigemarkedet så burde 1-2 månadar være tilstrekkeleg for å få tak i ny leigetakar, i områder med mindre press så kan det kanskje være innafor med meir tid. Strengt tatt så har nok du meir å tene på å være mindre samarbeidsvillig. Dersom du melder frå at du anser leilegheita som overlevert og at husleiga for oktober var siste husleiga du kjem til å betale så legg du press på utleigar om å gjere noko. Enten ved å gå til sak mot deg der ditt forsvar er tapsbegrensningsplikta, eller ved at leigetakar får ut fingeren og annonserer leilegheita som ledig for å få inn ein villig betalar. Tilsvarande framgangsmåte gjeld sjølv om du har depositum sidan utleigar då må rette og dokumentere eit krav på å få trekke heile eller delar av depositummet. Om dykk ikkje blir einige om kva som er tilstrekkeleg med innsats frå utleigar til å avgrense dine tap, så kjem du ikkje vekk frå at dykk vil trenge ei rettsleg avgjersle for å avgjere kven som har rett. Den andre løysinga er at ettersom du uansett må betale ut oppseiingsperioda så beheld du råderetten til bustaden og at du heller baserer deg på kortidsutleige, som til dømes AirBnB. Særleg no når vi går inn i julebordsesongen så burde det være kurrant med kortidsutleige til festglade mennesker. Utleigar kan berre nekte framleige med sakleg grunn, og det er vanskeleg å hevde at det er sakleg å nekte framleige når grunnnen til at det i det heile tatt er aktuelt med framleige er at utleiger ikkje ynskjer å annonsere bustaden som ledig.

Har ikkje lagt merke til at bensinstasjonane har slutta å tilby trykkluft. I mitt nærområde har bensinstasjonane snarare tvert imot investert i nye fyllestasjonar med digital og automatisert luftfylling. Er ikkje heilt sikker på om det er eit krav at bensinstasjonar skal ha trykkluft tilgjengeleg eller om det berre er eit servicetilbod som gjer at det er større sjangs for at dei som svinger innom for å fylle luft også kjøper boller og kaffe. Husk at luftfylling er ikkje berre aktuelt når ein bytter hjul, ein skal eigentleg sjekke og korrigere lufttrykket gjennom sesongen alt etter utetemperatur og kor tungt ein har lasta bilen. Noko av behovet har kanskje forsvunnet no når alle nye bilar har dekksensor som både måler dekktrykk og varsler om lavt dekk trykk, men ein må likevel kunne etterfylle om lufttrykket blir lavt. Om det berre er tilgangen på trykkluft som er problemet så løyser du dette problemet enkelt og billig ved å kjøpe din eigen kompressor, om det er slik at bensinstasjonane slutter å tilby trykkluft så er det eigentleg berre større grunn til å ha ein kompressor i bilen. Når det gjeld påstanden om at "alle" kan gjere denne jobben sjølv, så vil eg tørre påstå at det ikkje heilt stemmer likevel. Jobben med å skifte hjul har blitt meir krevande dei siste åra. Tyngre bilar gjer at du må ha skikkeleg garasjejekk for å gjere jobben, og mange bilar blir heller ikkje levert med jekk slik at dersom du skal skifte hjul sjølv så må du uansett investere i utstyr då jekk og hjulkryss ikkje lenger følger med bilen. Eit anna moment er at mange bilar har fått veldig store dekk som er langt meir krevande å løfte på, så særleg om du er litt oppe i åra og ikkje får til å bøyde deg så mykje så er det stor forskjell på store 20" dekk og små 15" dekk som dei fleste kan løfte med ei hand. Ei tredje utfordring er at med elbilar som har batteripakken på undersida så har det blitt mykje mindre feilmargin dersom du skulle kome i skade til å sette jekken på feil punkt. Det er ikkje vanskeleg å finne kvar ein skal sette jekken, men det krever litt meir kunnskap når ein har batteri på undersida som for all del ikkje skal punkterast, samt at bilane er mykje tyngre. Med gamal Golf som veg 900 kg og har 14 tommers dekk var tabbekvoten veldig stor før du gjorde den heilt store brølaren. No kan du med ti tommeltottar ganske enkelt kondemnere bilen din om du løfter på feil stad og i tillegg mister bilen av jekken. For dei som har kompetanse og interesse av å skifte hjul sjølv så er det ikkje den store investeringa å kjøpe ein garasjejekk, eit hjulkryss og ein liten kompressor. (Kjøper du ein større kompressor så kan du også kjøpe muttertrekker og gjere jobben mykje enklare for deg sjølv).

Det er i alle fall tøft gjort, og det finnes sikkert eit marked for slike retro spel også. Basert på anmeldingane som ligg på Steam så ser det ut som at folk liker flyten og rytmen i spelet. Personleg så så synes eg grafikken ser litt vel trippy ut men det er nok dette som er appelen til dei som liker slike spel. Eg trur likevel at det må bli tøft å skulle prøve å leve av dette. Sjølv om spelet berre kostar ein hundrelapp så er det slik at veldig mange er veldig gjerrige på tiarar og tjuekroner, noko som både billeg Steam spel og mobilspel forøvrig lid av. Spelet kostar ikkje meir enn ein kinobilett og gir sikker mykje meir underhaldning, men det er nok dessverre ein grunn til at mange spelutviklarar må over på mikrotransaksjonar for å få inntekter frå spela.

Som ChatGPT svarer så må du ha rette koblinga. Dette er eit fat som du berre treng å fylle luft på for å få ut ølet slik at det ikkje er nødvendig med CO2. Patenten er slik at det er ein pose/ballong inne i fatet som du bles opp med luft og som presser ølet ut. Så vidt eg veit så er det vanskeleg å få tak i tappeutstyr til slike fat ettersom bryggeria berre får selge slike fat til foretak med skjenkebevilgning, og då er kontroll på kompatibelt tappeutstyr ein måte å sikre at ikkje privatpersonar skaffer seg slike ølfat og serverer ulovleg frå sin eigen pub. Type tilkopling på fatet kan variere og er ikkje nødvendigvis standarisert, mellom anna for å kunne passe på at ein Pub som kjøper øl og utstyr frå Carlsberg ikkje lett skal kunne bruke Carlsberg sitt utstyr til å servere Hansa øl. Mitt beste tips er å sjekke på Finn.no om nokon selg eller leiger ut tappeutstyr. Er mange pøbbar som har gått konkurs så det finnes ein del slikt proftutstyr i private hender rundt omkring. Den gode nyheita med slike fat er at ølet på fatet er ferdig med kullsyre. Så ved å punktere fatet så kan du tappe/helle ut øl med kullsyren bevart. Problemet er berre at utan skikkeleg kork så vil ølet tape seg fort om ikkje alt blir drukket opp på relativt kort tid. Om du ikkje vil investere i tappeutstyr, så er mitt beste råd å bore/stikke hol i fatet og helle ølet ut. Om du ikkje skal drikke alt så kan du helle over på brusflasker som du skrur igjen korka på. Ølet vil tape seg på same måte som med brusflasker som har vært opna, men det vil i det minste holde litt lengre enn om du ikkje får tetta fatet på skikkeleg måte. Dersom du fyller på brusflasker så kan det være lurt å prøve å fylle flaskene heilt fulle slik at det er minst mogleg luft som kan absorbere CO2, merk likevel at med heilt breddfulle flasker så er det større sjanse for at du får ei ølbombe om flaska blir rista.

Det er ikkje spesielt vanleg med 100% provisjonslønn, det vanlegaste er at ein har ein fastdel som sikrer ei forutsigbart og leveleg lønn, og så har ein provisjon i tillegg. Skal ein inngå avtale om provisjonslønn så er det viktig å sette seg godt inn i den avtalen, då det er svært store forskjellar frå bedrift til bedrift. Enkelte stadar kan du oppleve å bli lokka med høg provisjon som ikkje slår til før du kjem opp i eit urealistisk høgt salgstal, men dei fleste er såpass seriøse at det gir eit naturleg forhold mellom arbeidsinnsats og provisjonslønn. Dersom du skal ta ein jobb der du får provisjonslønn så vil eg også råde deg til å vurdere litt kritisk kor salgbart varen er, og i kva grad du sjølv kan dirkekte påvirke salget. I enkelte butikkjobbar der du selg dyrare enkeltgjenstandar som i ein møbelbutikk så har kunden ofte brukt dagar og veker til å undersøke sjølv kva produkt dei er ute etter, slik at den dagen dei bestemmer seg og faktisk kjøpe så er det litt tilfeldig kven av selgarane i butikken dei går til fyrst. Dersom salga foregår på ein slik måte så vil provisjonslønn ha lite for seg ettersom det er meir eit lagarbeid der den fyrste selgaren som kunden er i kontakt med gjer sitt ytterste til tross for at ein veit at salget mest truleg ikkje blir gjennomført den dagen likevel. I ein slik selgarjobb vil det etter mitt syn gi meir meining med ei bonusordning basert på omsetting. Eg veit også at mange har dårlege erfaringar med telefon og dørsalg der dei har blitt pålagt å gå eller ringe alle på ei liste også der ein veit at sannsynlegheita for å få til eit salg er liten. Skal du gå på dørene for å selge støvsugarar for provisjonslønn så må det være eit minstekrav at får lov til å velge kva nabolag du går i litt kritisk, og at du ikkje blir tvungen til å bruke arbeidstida di på å ringe på dører der folk enten ikkje er heime eller der det bur folk utan pengar men med eit enormt behov for å ha nokon å prate med. Ellers så kan jo selgarjobbar være veldig mykje forskjellig. Sidan du har 10 års erfaring innan IKT så er det sjølvsagt nærliggande å foreslå at du bør finne deg ein selgarjobb der du får brukt din fagekspertise. I ein slik selgarjobb så er det ikkje like viktig at du er ein god "selger type" sidan du vil klare å skape tillit til kunden gjennom å demonstrere at du veit kva du snakker om, og du kan få gode salsresultat på det grunnlaget åleine. Du kan sjølvsagt også gå for ein heilt vanleg butikkjobb, men då vil typisk lønnsnivået være vesentleg lågare enn det du er vant til ettersom dette er ein jobb som "alle" i teorien kan utføre. Eg vil også legge inn eit tips om ein mellomting; kva med å jobbe med IKT i eit selgarmiljø? Også bedrifter som lever av salg har datasystemer som skal administrerast, og som einaste IKT tilsette så får du eit heilt anna arbeidsmiljø som då stort sett er dominert av selgarar og ikkje IT folk. I litt mindre bedrifter vil det typisk også være rom for å gjere litt av alt, slik at du kanskje primært jobbar med IKT men også litt med salg og liknande førefallande arbeid ved behov.

I det offentlege så skjuler ein seg gjerne bak forvaltningslovens krav om at saka skal være så godt opplyst som mogleg før vedtak når ein snakker med referanser som søkaren ikkje er oppgitt eller samtykka til. Sivilombodet gjer i slike saker ikkje meir enn å påpeike at det er uheldig at arbeidsgivar ikkje informerer kandidaten på førehand om referansesjekken. Sjølv om eg i utgangspunktet er einig i at slikt detektivarbeid ved å innhente opplysningar frå andre kjelder vil utgjere eit brot på behandlingsgrunnlaget ved ein jobbsøknad, så er det nok i praksis utan konsekvens. Eg kan ikkje sjå for meg at Datatilsynet bøtlegger ei bedrift som har snakka med referanser som søkaren ikkje har samtykka til at ein kan kontakte, særleg fordi behovet for å snakke med slike referanser ligg så nært opp mot det som kan kallast berettiga interesse at det ikkje er eit soleklart GDPR brot. Same vurderingane legg eg til grunn ved arbeidsgivarar som "googler" kandidatane, då også går ein utover det ein har behandlingsgrunnlag til å gjere, særleg om ein brukar opplysningar frå søknaden som fullt namt og liknande for å få meir detaljerte treff. Eg har likevel vanskeleg for å sjå for meg at ein som skal tilsette risikerer særleg mykje meir i verste fall negativ mediaomtale om kandidaten går til media med saken sin.

Eksamensavgifta er uansett berre ein symbolsk sum. Ein betaler ikkje 700 kr for å ta eksamen, ein betaler 700 kr i tillegg til semesteravgift og det som staten betalar for utdanninga. Største ulempen med å kutte eksamensavgifta slik som eg ser det er at det kan være ein fordel med ein eigenandel for å redusere talet på dei som møter opp førebudd.

Kor skummelt det er å reise spørs veldig på kva du sjølv vurderer. Sannsynlegheita for å bli politisk fange er nok relativt sett liten men den er til stades, særleg om du gjer eller seier noko som er kritisk mot regimet. Største praktiske utfordringa er at sanksjonane gjer det utfordrande med pengar. Både VISA og Mastercard er blokkert og vil ikkje fungere i Russland. Så du må enten skaffe deg bankkonto og kort frå ein bank som ikkje sanksjonerer Russland, eller så må du ta med deg kontantar (som igjen sett deg i risiko for ran eller at russiske myndigheiter arresterer deg fordi dei mistenker at pengane kjem frå illegal aktivitet). Om du absolutt skal reise så ville eg ha ordna det slik at du reiser med minst mogleg pengar, og du får kost og losji av kjæresten din slik at du kan halde ein låg profil. Det er uansett ikkje så mykje turistaktivitetar som er tilgjengeleg, så aktivitetane avgrenser seg til sightseeing og liknande. Det er veldig lite vestlige turistar i Russland no.

Dette er småpenger for dei fleste bedrifter. Det å bruke nokre få titusenar for å få nokre få av studentane til å søke jobb hos bedrifta blir nok ansett som ei god investering. Mange bedrifter bruker nok tilsvarande summar også på andre universitet. Sjølv om eg legg til grunn at du har rett i at UiO studentar er dårlegare enn alle andre studentar, så er ikkje det nødvendigvis negativt for bedriftene. Fordelen med å tilsette arbeidskraft med lågare kompetanse er at då blir arbeidskrafta også tilsvarande mykje billegare. Det er ikkje alltid ein treng dei beste, ofte er det meir snakk om å finne dei som er gode nok målt opp mot kva dei får i lønn.

Det har ikkje berre med å være gærne, det har vel så mykje med å gjere seg avhengig av teknologi. Vi menneska har utvikla oss i ei retning der kroppane våre er tilpassa ein livsstil med tilgang til teknologi, som til dømes at vi nakne ikkje toler særleg til temperaturendringar, at vi har tenner som ikkje er spisse nok til å ete rått kjøtt og for svak kjevemuskelatur til å tygge hard mat, osv. Skal eg sjå i krystallkula og spå korleis vi kjem til å utvikle oss dei neste 200 000 åra som vi brukte på å gå frå ape til menneske, så trur eg nok at vi kjem til å få enda svakare kroppar fordi evolusjonen kjem til å ytterlegare forsterke mental kapasitet. Eg trur nok vi gjer oss såpass avhengige av teknologi at dersom nokon plutseleg slår av straumnettet så er det mange som får problem med å overleve. Alt frå at vi kjem til å fryse ihjel, at maten vår rotner utan kjøleskap, at matproduksjonen stopper opp utan maskiner, osv. Eg har derfor ingen problem med å sjå for meg at det er mogleg å bli så avanserte at fallhøgda ved uforutsette endringar blir for stor til å kunne kome seg tilbake.

Det kjen veldig ann på kva ho har lært i utlandet og kva slags norske utdanning ho prøver å få graden godkjent som. Så kjem det også ann på kva fagfelt ho skal jobbe i. Arbeidserfaring veg ofte tyngre enn formalkompetansen, men med eit viktig unntak der formalkompetansen er ei forutsetning for autorisasjon. Kva fag ho eventuelt må ta for å få ein norsk grad kjem også veldig ann på, så det er ikkje eit enkelt svar. Beste svaret er å samanlikne kva kompetanse ho har gjennom sin utanlandske utdanning med kompetansemåla for den tilsvarande norske graden. Så det kan være snakk om at ho berre mangler eit lite emne eller så kan heile graden være så annaleis at ho i praksis må starte på nytt. Det er også eit spørsmål om ha faktisk trenger graden for å få jobb i Norge. Forstår at ho sjølvsagt helst vil ha ein tilsvarande jobb som ho har hatt tidlegare, men sjølv om graden ikkje er godkjent for norske forhold så har ho ein kompetanse som burde gjere det mogleg å få tak i ein brukbar jobb likevel. Om ho ikkje får autorisasjon som til dømes bioingeniør så vil ho nok være fullt ut kvalifisert til å jobbe som laborant.

Det er vanskeleg å gi særleg til råd på eit så vagt grunnlag. Det eg legg mest vekt på er at du ikkje trives særleg godt i jobben lengre. At det også går dårleg økonomisk gir berre meir grunn til å sjå seg om etter andre moglegheiter. Sjølv om bedrifta sikkert fint kan halde seg flytande utan å gå konkurs så vil det erfaringsmessig bli tunge tak og lite fordelar å hente av å bli i jobben. Lønnsutviklinga vil fort stoppe opp når det er dårlege tider, det blir meir fokus på effektivtet, dei beste i bedrifta som lett finn seg andre jobbar kjem nok til å slutte slik at det blir meir å gjere på dei som sitt igjen, i tillegg til at arbeidsmiljøet blir endra når mange sluttar omtrent samtidig. Når du har blitt litt lei av jobben og heller ikkje kan forvente at jobben kjem til å gi særleg i lønnsutbetalingar så er det to store punkt som taler for at du burde finne deg ein jobb der du trives betre og helst også får betre betalt. Om ein i tillegg har ei leiing som ikkje tørr å satse i dårlege tider så blir stort arbeidspress, lite spennande oppdrag og låg lønn ofte resultatet. Har derimot bedrifta ei leiing som tørr å satse så kan det bli både spennande og lukrativt å jobbe i bedrifta. Det mest konkrete rådet eg kan gi deg er at du setter opp ei liste over fordelar og ulempar ved å bli i bedrifta, og at du legg framtidsplanen din utifra det.

Veldig mange av disse tenestene som trådstarter viser til koster omtrent det same å levere til bustaden uavhengig av kor mange som bur der, som igjen forklarer prisane. Kostnaden ved å rense drikkevatn og kloakk utgjer ein veldig liten del av vassavgifta, mesteparten av den avgifta går til å dekke kostnadane med å drifte renseanlegg, legge nye røyr, stoppe vasslekkasjar, osv. Det koster omtrent det same å legge røyr fram til eit hus enten det bur ein person eller ti personar i huset. Tilsvarande med renovasjonen, den store kostnaden er ikkje om du produserer 10 eller 2000 liter med avfall i året, største kostnaden er det å administrere regelmessig henting av avfallet. Dersom det skal bli billegare for små husholdningar så må ein enten gjere dette politisk ved å fordele kostnadane til å være per person i staden for per hushaldning. Alternativt så må ein redusere tenestetilbodet forå få ned prisen på den måten. Det som er utfordringa ved å redusere tilbodet, som til dømes sjeldnare søppelrenovasjon er at det er ikkje det å stoppe ved kvart hus for å tømme bossdunken som kostar mest, det som kostar mest er at renovasjonsbilen i det heile tatt må køyre til ditt nabolag for å hente søppelet til storfamiliane. Innsparinga ved å køyre forbi dei husstandane som ikkje ønsker å betale for hyppig tømming er så liten at ein har vurdert at det er svært få som ønsker tømming fire gongar i året om dei berre spare eit par hundrelappar. I tillegg så skal også renovasjonsavgifta dekke at renovasjonsselskapet kan ha kontinuerleg drift, så om renovasjonsselskapet uansett må oppretthalde kapasiteten og dermed kostnadane, så blir det i praksis ikkje billegare. Det er likevel slik at det er ei utvikling i rett retning. Som til dømes vassmålar og vektsensor til avfallsdunkane. Den praktiske utfordringa er at både utstyret og arbeidskostnaden ved installering er høg. Skal du montere vassmålar så flyg tusenlappane fort berre i røyrleggarkostnadar. Dette er sjølvsagt ein kostnad som kommunen kunne tatt, men for å dekke inn ei slik utgift så måtte ein nok hatt fleire år med ekstra høge gebyr for å bygge opp ein buffer til å dekke kostnaden. Personleg har eg valgt å ikkje montere vassmålar, ikkje fordi det er ein så veldig stor investering, for min husholdning så blir investeringa dekt inn på nokre få år. Utfordringa med vassmåler er at det alltid er ein liten risiko for at eg kan få ei sjokkregning den dagen eg får eit rennande toalett som eg ikkje merker og plutseleg blir avkrevd for alt vatnet som eg faktisk har tappa. Då vil eg heller betale litt meir som fast sum og kunne bruke hageslangen så mykje eg vil utan å tenke på prisen. Grunnen til at vassavgifta blir berekna utifrå areal er fordi du skal betale med utgangspunkt i kor mange personar som forbruker vatn som kan bu der. Dersom ein betalar utifrå talet på folkeregistrerte som bur der så betyr det at utleigehus slepp heilt vassavgifta. Både studentar og jobbpendalar vil ikkje nødvendigvis være folkeregistrert i bustaden dei oppheld seg i. Og skal ein legge folkeregisteret til grunn så betyr det også at næringseigedommar vil sleppe unna heile avgifta ettersom butikkar og kontor ikkje er eigna for busetting. Det finnes sjølvsagt andre måtar ein kan gjere fornuftige berekningar på enn berre arealet, men då krevs det meir administrasjon igjen. Merk også at det ligg nok til grunn nokre tankar om at ein ynskjer at befolkninga bur i bustadar som er tilpassa deira behov. Dersom du som einsleg bur i stort hus på 400 kvm så kostar det sjølvsagt mykje meir å varme opp alt det arealet samanlikna med ei leilegheit på 60 kvm. At det å bu i store hus medfører høgare kostnadar burde ikkje være ei overrasking. Det er sjølvsagt også mogleg å snu problemstillinga, er det rettferdig at ei husholdning på fire personar skal betale fire gongar så mykje for renovasjon som ei hushaldning på ein person? Dunken blir uansett tømt anna kvar veke, så tenestetilbodet er ganske så likt anna enn at ei stor hushaldning må betale mykje meir. Det er også viktig å påpeike at dette er avgifter, så heile formålet er at alle skal betale ein forholdsvis lik og fast sum. Når ein ser stort på det så vil differansen mellom det ein betalar og den tenesten ein mottek flate ut over tid etterkvart som eig går gjennom ulike livsfaser.

Har du prøvd å stille til valg? Ein styreleiar som bur fast i burettslaget burde være ønskeleg for dei aller fleste i burettslaget.

Ja det er klart du må møte til intervju. I beste fall får du vist fram at du er rett mann for jobben til tross for at arbeidsgivar var skeptisk til namnet ditt, i verste fall så har du grunnlag for eit diskrimineringssøksmål. Du kan til og med risikere å få jobben fordi arbeidsgiver frykter eit søksmål, ikkje den beste måten å kome inn i arbeidslivet på, men om ikkje anna er det eit godt grunnlag for å søke vidare etter jobb, men no med fast arbeid øverst på CVen.

Dette er ikkje ein så uvanleg situasjon, det som kanskje er mest unikt er at du no er i forkant og veit kva som er sannsynleg vil skje. Når du no også er lei av jobben så er det ikkje så mykje å kjempe for, spørsmålet er likevel kva alternativ du finner.

Dette er nok den mest realistiske løysinga om det ikkje er vilje til å ivareta arbeidsmiljøet på anna måte. Om det ikkje kan luftast for å få ned temperaturen inne, så er det du som må luftast før du blir for varm. Eg er ellers einig i at dersom du ikkje får lov til å sette vindua i luftestilling medan du er i lokalet for å vaske i frykt for at uvedkommande kan snike seg inn for å stjele eller angripe deg, då er det også heilt uansvarleg å la deg jobbe åleine i lokalet. Ellers så trur eg dette handler om veldig ulik oppfatting av arbeidssituasjonen der du meiner at det er nødvendig med lufting og sjefen din meiner at det ikkje er det. Eit tips på vegen er at du i framtida dokumenterer temperaturen.

Saksgangen er å sende inn klage til Sivilombodet. Det som er vanskeleg i spørsmål om vandel for føraekort er at politiet har veldig vide rammer for å nekte førerkort, særleg for dei som har blitt tatt for hasj røyking så har det vært veldig vanskeleg å få tatt førarkortet. Grunnlaget for avslaget vil derfor ha stor betydning når Sivilombodet skal vurdere saka.